ગણપત યુનિવર્સિટીના સ્થાપક અનિલભાઇ પટેલની પ્રથમ પૂર્ણતિથિ

અટલ સમાચાર, મહેસાણા

ગણપત યુનિવર્સિટીના સ્થાપક અનિલભાઇ પટેલની પ્રથમ પૂર્ણતિથિ શુક્રવારના ગણપત યુનિવર્સિટીના ઓડિટોરિયમમાં બપોરે 3.00 વાગ્યાથી સાંજના 4.30 કલાકે સ્મૃતિ-વંદના કાર્યક્રમ યોજાશે. ગણપતભાઇ પટેલ અને અન્ય દાતાઓના સહયોગથી ગણપત યુનિવર્સિટીનું સર્જન કરનારા ઉદ્યોગપતિ અને કેળવણીકાર અનિલભાઇ પટેલની સ્મૃતિ-વંદના નિમિત્તે શિક્ષણ અને સમાજના સંદર્ભમાં વિવિધ વિષયોચિત વ્યાખ્યાનો યોજાશે. આ સ્મૃતિવંદના નિમિત્તે અમદાવાદના દર્શના ઠક્કર સમાજનું ઘડતરએ વિષય ઉપર વ્યાખ્યાન આપશે. ગાયક-સંગીતકાર ધ્રૃવીશ શાહ પાવર ઓફ ડ્રીમની થીમ ઉપર પરફોર્મન્સ આપશે. આ કાર્યક્રમમાં અમેરિકા સ્થિત ગણપતભાઇ પટેલ વીડીયો-કોન્ફરન્સ થકી પ્રવચન કરશે.