ગૌરવ@ભારત: પત્રકારત્વની વિભુતિ રવિશકુમારને રેમન મેગ્સેસે એવોર્ડ
અટલ સમાચાર, ડેસ્ક
એશિયાનું નોબલ કહેવાતા એવા રેમન મેગ્સેસે પુરસ્કારની જાહેરાત કરવામાં આવી છે. ભારતીય પત્રકાર રવીશ કુમારના નામનો સમાવેશ 5 લોકોમાં કરવામાં આવ્યો છે જેને વર્ષ 2019 માં મેગ્સેસે એવોર્ડ મળ્યો હતો. રવિશ કુમારને હિન્દી ટીવી પત્રકારત્વમાં ફાળો આપવા બદલ આ એવોર્ડ મળ્યો હતો. રવિશ કુમાર આ એવોર્ડ મેળવનારા 11મા ભારતીય પત્રકાર છે.
These are the five recipients of Asia’s premier prize and highest honor, the 2019 Ramon Magsaysay Awardees. #RamonMagsaysayAward pic.twitter.com/HrLG1qVt6L
— Ramon Magsaysay Award (@MagsaysayAward) August 2, 2019
આ એવોર્ડ ફિલીપાઇન્સના ભૂતપૂર્વ રાષ્ટ્રપતિ રેમન મેગ્સેસેની યાદમાં આપવામાં આવ્યો છે. રવિશ કુમાર ઉપરાંત મ્યાનમારના કો સેન વિન, થાઇલેન્ડની આંગહાણા નીલપાયત, ફિલિપાઇન્સના રામાન્ડ અને દક્ષિણ કોરિયાના કિમ જોંગ કાન માટે માટે મેગ્સેસે એવોર્ડ જાહેરાત કરવામાં આવી છે. 12 વર્ષ પછી એક ભારતીય પત્રકારને આ એવોર્ડ મળ્યો છે. રવિ પહેલા, પી સાઇનાથને પત્રકારત્વના ક્ષેત્રમાં ઉત્કૃષ્ટ કામગીરી બદલ મેગ્સેસે એવોર્ડ મળ્યો હતો.
ઉલ્લેખનીય છે કે રવિશ કુમારને સરકાર વિરોધી પત્રકારત્વનો આરોપ પણ લાગતો રહ્યો છે. રવિશ કુમારના શોમાં ભારતીય જનતા પાર્ટીએ પોતાના પ્રવક્તાઓના જવા પર પ્રતિબંધ લગાવ્યો છે. સોશિયલ મીડિયા પર ઘણી વખત રવિશ કુમારને ધમકીઓ પણ મળી હોવાનો દાવો પોતે રવિશ કુમારે કર્યો હતો.
રેમન મેગ્સેસે એવોર્ડ પ્રાપ્ત કરતા ભારતીય પત્રકાર
1. 2019- રવીશ કુમાર
2. 2007 – પલગુમિ સાઇનાથ
3. 1997 – મહેશ્વેતા દેવી
4. 1992 – રવિશંકર
5. 1991 – કે વી સુબાના
6. 1984 – રસીપુરમ લક્ષ્મણ
7. 1982- અરુણ શૌરી
8. 1981 – ગૌર કિશોર ઘોષ
9. 1975 – બુબલી જ્યોર્જ વર્ગીઝ
10. 1967 – સત્યજિત રાય
11. 1961 – અમિતાભ ચૌધરી