દેશમાં સોનું-ચાંદી સસ્તું થયું, જુલાઇ મહિનામાં સૌથી મોટો ઘટાડો નોંધાયો
અટલ સમાચાર,ડેસ્ક
સ્થાનિક સ્તરે સોનાની માંગમાં ઘટાડાને કારણે મંગળવારે દિલ્હી સરાફા બજારમાં સોનું 600 રૂપિયા સસ્તુ થયુ છે. ચાંદીમાં 48 રૂપિયાનો પ્રતિ ગ્રામે ઘટાડો જોવા મળ્યો છે આપને જણાવી દઇએ કે, જુલાઇ મહિનામાં સોનાનાં ભાવમાં એક દિવસમાં સૌથી મોટો ઘટાડો નોંધાયો છે. આ પહેલાં નાણામંત્રી નિર્મલા સીતારમણે બજેટમાં સોનાની સીમા શુલ્ક 1 ટકાથી વધારીને 12.5 ટકા કરી દીધી છે. શનિવારે સોનામાં 1300 રૂપિયા પ્રતિ દસ ગ્રામનો ઉછાળો આવ્યો હતો.
દિલ્હીનાં સરાફા બજારમાં સોનાનો ભાવ 600 પ્રતિ દસ ગ્રામે ઘટ્યો છે.સોનાનાં ભાવમાં ઉછાળો આવતા તેની ડિમાન્ડ ઘટી હતી. તેને કારણે તેનાં ભાવમાં ઝડપથી ઘટાડો આવ્યો છે. આંતરરાષ્ટ્રિય માર્કેટમાં પણ ભાવ પર દબાણ છે. જોકે, આગામી થોડા દિવસમાં સોના-ચાંદીનાં ભાવમાં ભારે ઘટાડો આવી શકે છે.
ચાંદીમાં પણ નરમી જોવા મળી રહી છે. ચાંદીનાં ભાવમાં 48 રૂપિયા પ્રતિ ગ્રામે ઘટીને 38,900 રૂપિયા પ્રતિ કિલોગ્રામ પર આવી ગઇ છે. ચાંદી વાયદા બજાર 38,000 રૂપિયા પ્રતિ કિલોગ્રામ વેચાઇ છે. સિક્કાની લેવાલી અને વેચવાલી ગત દિવસોમાં ક્રમશ: 81 હજાર અને 82 હજાર રૂપિયા પ્રતિ સો ગ્રામ પર હતાં.