બિગબ્રેકિંગ@બેચરાજી: મધરાત્રે વેપારીની ગાડી રોકાવી 70 લાખની સનસનીખેજ લૂંટ, જાણો એક જ ક્લિકે

મહેસાણાના જિલ્લાના યાત્રાધામ બેચરાજીથી હારીજ જવાના માર્ગ પર 70 લાખની લૂંટની ઘટના સામે આવતા ખળભળાટ મચી ગયો છે. ચોક્કસ વિગતો મુજબ બેચરાજી-હારીજ રોડ પર આવેલી એક હોટેલ નજીક કાલે રાત્રે 10 વાગ્યે હારીજ ખાતે રહેતા ઠક્કર નીતિનભાઈ નટવરલાલ પોતાની ગાડી લઇ કડીથી બેચરાજી થઈ હારીજ જઇ રહ્યા હતા. આ દરમ્યાન હોટેલ પાસે અજાણ્યા 30 વર્ષની ઉંમરના ચાર જેટલા શખ્સોએ ગાડી રોકાવી નીતિનભાઈને ધોકા વડે માર મારવા લાગ્યા હતા. જોકે વેપારી કઈ સમજે તે પહેલા ગાડીમાં રહેલા થેલામાંથી 70 લાખની રોકડ લૂંટી ભાગી ગયા હતા. 

સૂત્રોએ જણાવ્યું હતું કે, લૂંટ કરવા આવેલા લૂંટારું બે બાઇક પર સવાર થઈને આવ્યા હોવાનું હાલમાં જાણવા મળી રહ્યું છે. આ તરફ હવે મહેસાણા ડિવિઝન ડી.વાય.એસ.પી દેસાઈએ જણાવ્યું હતું કે, રાત્રે 10 વાગ્યાની આસપાસ આ ઘટના બની હતી. ઘટનાની જાણ પોલીસને થતા તમામ ટીમો આરોપીઓને શોધવા કામે લાગી છે. હાલમાં 10 ટીમો તપાસ કામ કરી રહી છે.