બનાસકાંઠાઃ રાત્રે અજાણ્યા ઇસમોએ પેટ્રોલ પંપની ઓફીસ માંથી 2.46 લાખની ચોરી કરી ફરાર

અટલ સમાચાર, ડેસ્ક

બનાસકાંઠાના દાંતા પાસે મોટાસડા પેટ્રોલ પંપ પર ચોરીનો બનાવ સામે આવ્યો છે. જેમાં તસ્કરોએ અંદાજે અઢી લાખ ઉપરાંતની ચોરી કરી ફરાર થઈ ગયા હતા. આ સમગ્ર ચોરીની ઘટના CCTVમાં કેદ થઈ હતી. દાંતા પોલીસે ચોરીની ઘટનાને લઈ ફરિયાદના આધારે તપાસ હાથ ધરી છે.

અટલ સમાચાર તમારા મોબાઇલમાં મેળવવા અહીયા ક્લિક કરો

બનાસકાંઠા જિલ્લાના દાંતા મોટાસડા એક પેટ્રોલપંપ ઉપર મેનેજર કેબીનના કેશ કાઉન્ટરના ડ્રોવરમાંથી અજાણ્યા ઈસમોએ 2 લાખ 46 હજારની ચોરી કરી ફરાર થઈ ગયા હતા. પેટ્રોલપંપ મેનેજરે દાતા પોલીસ સ્ટેશન મથક ફરિયાદ નોંધાવી હતી. દાતાના મોટાસાડા પેટ્રોલપંપ પર રાત્રી દરમિયાન કોઈ અજાણ્યા ઈસમોએ મેનેજર કેબિનનો દરવાજાનો લોક તોડી અંદર પ્રવેશ કરી કેશ કાઉન્ટરનું ડ્રોવર તોડી તેમાં મુકેલા 2 લાખ 46 હજારની ચોરી કરી હતી. આ ઘટનાને લઈ મેનેજરે દાંતા પોલીસ મથકે ફરિયાદ નોંધાવી હતી. આ સમગ્ર ચોરીની ઘટના CCTVમાં કેદ થઈ હતી. પોલીસે સીસીટીવીના આધારે ચોરી કરનારા ઈસમ સામે ફરિયાદ નોંધી આગળની કાર્યવાહી હાથ ધરી છે.