બ્રેકિંગ@કચ્છ: BSFને સર્ચ ઓપરેશનમાં જખૌ બીચ પરથી ચરસના 10 પેકેટ મળ્યાં

અટલ સમાચાર, ડેસ્ક

BSFએ એક વિશેષ સર્ચ ઑપરેશનમાં આજે 13 ઑગસ્ટ 2023ના રોજ ભુજના જખૌ કિનારેથી લગભગ 02 કિમી દૂર વેરાન ખિદરત બેટમાંથી આશરે 01 કિલો વજનના શંકાસ્પદ માદક દ્રવ્યોના 10 પેકેટો મળી આવ્યા હતા. પેકેટો પીળા રંગની પ્લાસ્ટિક બેગમાં પેક કરવામાં આવ્યા હતા અને દરેક પર ‘ઉડતા ગરુડ’નું ચિત્ર હતું.

એપ્રિલ 2023થી જખૌ કિનારેથી ચરસના 40 પેકેટ મળી આવ્યા છે. આગામી સ્વતંત્રતા દિવસને ધ્યાનમાં રાખીને BSF ગુજરાત તેની જવાબદારીના ક્ષેત્રમાં હાઈ એલર્ટ પર છે. બીએસએફ દ્વારા જખૌ તટના વિવિધ વિસ્તારોમાં સઘન સર્ચ ઓપરેશન હાથ ધરવામાં આવ્યું છે.

સૂત્રોએ જણાવ્યું હતું કે, કચ્છના દરિયાઇ સીમામાંથી ગત મહિને 28 જુલાઈએ એક ચરસનું પેકેટ મળી આવ્યું હતું. BSFના સર્ચ ઓપરેશન દરમિયાન જખૌના દરિયાઈ વિસ્તારમાંથી ચરસનું એક પેકેટ મળી આવ્યું હતું. આ વિસ્તારમાંથી ચરસ, ડ્રગ્સ જેવી બિનઅધિકૃત વસ્તુઓ ગેરકાયદેસર રીતે ભારતની સીમામાં મળી આવતુ હોય છે ત્યારે આશરે 1 કિલો ચરસ મળી આવતા દરિયાની સુરક્ષા કરતા બીએસએફએ આ મામલે તપાસ હાથ ધરી હતી.