આનંદો@અમદાવાદ: ફરી એકવાર જોય રાઈડ શરૂ, હેલિકોપ્ટરમાં બેસી જુઓ શહેરનો આકાશી નજારો

અટલ સમાચાર, ડેસ્ક

અમદાવાદ ભારતના 10 મોટા શહેરોમાંનું એક છે. તમને ખૂબ ઓછી તક મળે છે કે તમે અમદાવાદને ખૂબ જ નીચાથી જોઈ શકો. શહેરમાં ફરી હેલિકોપ્ટર જોય રાઈડ શરૂ થઈ છે, અને 10 મિનિટની હવાઈ મુસાફરીમાં તમે ઉપરથી અમદાવાદના ઘણા મહત્વના સ્થળો જોઈ શકશો.

નરેન્દ્ર મોદી સ્ટેડિયમ ઉપરથી જોવાની તક- ગુજરાત સરકારે એરોટ્રાન્સ કંપનીને જોય રાઈડના અધિકારો આપ્યા છે. અગાઉ પણ આ કંપની જોય રાઈડ કરાવતી હતી. કંપનીના ફાઉન્ડર રાજીવ ગાંધી અને પ્રિયા ગાંધીએ જણાવ્યું હતું કે "આ 10 મિનિટની જોય રાઇડ સાથે, તમે નરેન્દ્ર મોદી સ્ટેડિયમ, કાંકરિયા તળાવ, વસ્ત્રાપુર અને સાયન્સ સિટી જેવા વિસ્તરણની ટોચ પરથી નજારો જોઈ શકો છો. 

અહીં 25 કિલોમીટરનો વિસ્તાર છે, જે લોકોને ખૂબ ગમે છે. જો કે, જોય રાઈડ એટીસીની સૂચનાઓ હેઠળ ચલાવવામાં આવશે. તમે અમદાવાદના રિવરફ્રન્ટ વોટર એરોડ્રોમથી હેલિકોપ્ટરમાં બેસી શકો છો. હાલમાં આ જોય રાઈડ શનિવાર, રવિવાર અને જાહેર રજાના દિવસે ઉપલબ્ધ રહેશે. તમે https://booking.aerotrans.in/ પરથી ઓનલાઈન ટિકિટ બુક કરી શકો છો. હેલીકૉપટર મુસાફરી કરવા તમારે 2478 રૂપિયા પ્રતિ વ્યક્તિ ચાર્જ ચૂકવવો પડશે. હેલિકોપ્ટરમાં એક સાથે 5 લોકો બેસી શકે છે. એક દિવસમાં 15 ટ્રીપ થઇ રહી છે.

ટ્રાવેલ એજન્ટ્સ ફેડરેશન ઓફ ઈન્ડિયા (TAFI) ગુજરાતના કમિટી મેમ્બર અને શક્તિ ટ્રાવેલ્સના પ્રમોટર, જીગર દુદકિયા કહે છે કે, અમદાવાદમાં પ્રવાસી પ્રવૃત્તિ ઘણી વધી છે. દેશનું એકમાત્ર હેરિટેજ શહેર અમદાવાદ ઘણા રમણીય સ્થળો ધરાવે છે. તેમાં જોય રાઈડના ઉમેરા સાથે સ્થાનિક પ્રવાસનને વેગ મળશે.