ઘટના@ગોંડલ: બસ ડ્રાઇવરે વૃદ્ધને અડફેટે લીધા બાદ નદીમાં છલાંગ લગાવી, જાણો પછી શું થયું ?

અટલ સમાચાર, ડેસ્ક

ગોંડલમાં પાંજરા પોળ ગોંડલી નદીના પુલના છેડે પાટલી ઉપર બેસેલા વૃદ્ધને ગોંડલ કમર કોટડા રૂટની એસટી બસના ચાલકે અડફેટે લેતા સર્જાયેલા અકસ્માતમાં વૃદ્ધ ગંભીર રીતે ઇજાગ્રસ્ત થતાં સારવાર માટે હોસ્પિટલમાં ખસેડવામાં આવ્યાં હતા. અલબત બસ ચાલકને એકઠા થયેલા લોકો નું ટોળું મેથીપાક આપશે તેવી બીક લાગતા તેને ગોંડલી નદીના પાણીમાં ઝંપલાવી દીધું હતું સદનસીબે ફાયર સ્ટાફે તેને સ્મશાન પાસેથી બહાર કાઢી સારવાર માટે હોસ્પિટલમાં દાખલ કર્યા હતા.

ગોંડલ કમરકોટડા રૂટની એસટી બસ ડ્રાઇવર પ્રવીણભાઈ ભલાભાઈ કોચરા ઉ.વ.40 રહે માંડણકુંડલા લઈને પસાર થઈ રહ્યા હતા ત્યારે પાંજરાપોળ નજીક ગોંડલી નદીના છેડે પાટલી પર બેઠેલા અસલ્મભાઈ અબ્દુલભાઇ શેખ ઉ.વ.58 રહે ગોંડલ વાળાને અડફેટે લેતા સર્જાયેલા અકસ્માતમાં અસ્લમ ભાઈને ઈજા પહોંચતા સારવાર માટે હોસ્પિટલે ખસેડવામાં આવ્યા હતા. 

આ તરફ ઘટના સ્થળે લોકોનું ટોળું એકઠું થઈ જતા અને એકઠું થયેલ ટોળુ ડ્રાઇવરને મેથીપાક આપશે તેવી બીક લાગતા ડ્રાઇવર પ્રવીણભાઈએ બસ મૂકી ફિલ્મી સ્ટાઇલમાં નદીના પાણીમાં ઝંપલાવી દીધુ હતું.. ઘટનાની જાણ નગરપાલિકાના ફાયર ફાઈટરની ટીમને થતા ટીમ સ્થળ પર દોડી ગઇ હતી અને ડ્રાઇવરને નદીના પાણીમાંથી બહાર કાઢી સારવાર માટે હોસ્પિટલે ખસેડ્યા હતા