બનાવ@માળિયા: ડમ્પર સાથે એકટીવા અથડાતા અકસ્માતમાં 1 યુવાનનું મોત નીપજ્યું

અટલ સમાચાર ડોટ કોમ,ડેસ્ક 

રાજ્યમાં દુર્ઘટનાના બનાવો ખુબજ વધી ગયા છે. રોજ કોઈને કોઈ જગ્યાએથી દુર્ઘટનાના બનાવો સામે આવતા હોય છે. આ બનાવોમાં લાખો લોકો મોતેને ભેટતા હોય છે. 

માળિયા તાલુકાના વાઘરવા ગામ નજીક ગત રાત્રીના અકસ્માત સર્જાયો હતો. જેમાં એકટીવા લઈને ત્રિપલ સવારીમાં ત્રણ યુવાનો જઈ રહ્યા હોય ત્યારે ડમ્પર સાથે એકટીવા અથડાતા એકટીવા સવાર એક યુવાનનું મોત થયું હતું. તો બે વ્યક્તિને ઈજા પહોંચતા સારવાર માટે રાજકોટ અને અમદાવાદ ખસેડાયા છે.

માળિયા પોલીસ મથકના રણજીતભાઈ ગઢવી પાસેથી પ્રાપ્ત વિગતો મુજબ માળિયાના હરીપર ગામના રહેવાસી સલીમ અકબર ઘાંચી, મુકેશ રાયસિંગભાઈ અને દશરથ ઘેલાભાઈ સોલંકી એકટીવા લઈને જતા હતા અને વાધરવા ગામ નજીક પેટ્રોલ પંપમાં પેટ્રોલ પુરાવી રોડ પર ચડતા ડમ્પર ચાલકે અકસ્માત સર્જ્યો હતો

જે અકસ્માતમાં એકટીવા સવાર સલીમ અકબર ઘાંચી (ઉ.વ.૩૫) રહે હરીપર તા. માળિયા વાળાને ગંભીર ઈજા પહોંચતા મોત થયું હતું. તો મુકેશ રાયસિંગ અને દશરથ ઘેલા સોલંકી એમ બે યુવાનોને ઈજા થતા રાજકોટ અને અમદાવાદ સારવાર માટે ખસેડાયા હતા. માળિયા પોલીસે અકસ્માતની ફરિયાદ નોંધવા તજવીજ હાથ ધરી છે.