દુર્ઘટના@અમદાવાદ: AMTS બસ અને XUV કાર વચ્ચે જોરદાર અકસ્માત, 1નું મોત

અટલ સમાચાર ડોટ કોમ, ડેસ્ક 

રાજ્યમાં અકસ્માતની ઘટનાઓ ખુબજ વધી ગઈ છે. ફરી એકવાર અસ્ક્માતાની ભયાનક દુર્ઘટના સામે આવી છે. અમદાવાદના ચાંદખેડા ગામ બસ સ્ટેન્ડ પાસે આજે સવારના સમયે AMTS બસ અને XUV કાર વચ્ચે જોરદાર અકસ્માત થયો હતો.

બસ સ્ટેન્ડ પર AMTS પેસેન્જર લેવા ઊભી હતી તે દરમિયાન પાછળથી તેજ રફતારથી આવતી XUV કાર ધડાકાભેર અથડાઈ હતી.

આ અકસ્માતમાં કારચાલક પાસે બેસેલા વિકાસ શુક્લા નામના વ્યક્તિનું મોત નીપજ્યુ હતું, જ્યારે કારચાલક પ્રકાશકુમાર સિંઘ (રહે. ચાંદખેડા) અને બસમાં ચડતા પેસેન્જરો ઈજાગ્રસ્ત થયા હતા. કારની ટક્કર એટલી જોરદાર હતી કે બસ 10 ફૂટ આગળ સુધી ધકેલાઈ હતી. આ સાથે કારમાંથી એક દારૂની ફૂટેલી બોટલ પણ મળી હોવાનું જાણવા મળ્યું છે.