બનાવ@અમદાવાદ: સસરા અને પુત્રવધૂના સંબંધને શર્મસાર કરતો કિસ્સો સામે આવ્યો

અટલ સમાચાર ડોટ કોમ, ડેસ્ક
 

વાસણામાં રહેતી 24 વર્ષની યુવતીના ફેબ્રુઆરીમાં મહેસાણામાં રહેતા યુવક સાથે લગ્ન થયા હતા. લગ્ન બાદ યુવતી તેના પતિ સાથે ફરવા જવાની હતી ત્યારે સસરાએ સાથે જવા જણાવ્યું હતું. યુવતી તેના પતિ સાથે રૂમમાં હોય ત્યારે પણ સસરા દરવાજો ખખડાવી હેરાન કરતા હતા. યુવતી જ્યારે પતિને આ અંગે ફરિયાદ કરતી, ત્યારે પતિ કહેતો કે તે પિતા છે, એમાં શું થઈ ગયું.

ત્યારબાદ સસરાએ પુત્ર અને પુત્રવધૂનું સાથે ફરવા જવાનું પણ બંધ કરાવી દીધું હતું અને અવારનવાર યુવતીને ત્રાસ આપતા હતા. જે બાબતે યુવતીએ તેના સાસુને વાત કરતા તેની સાસુએ 'મેં સહન કર્યું હવે તું સહન કર' તેમ કહી તેની વાત સાંભળી ન હતી.

આટલું જ નહિ એક દિવસ યુવતી અને સસરા ઘરમાં એકલા હતા. ત્યારે સસરાએ યુવતીને પાસે બોલાવીને કહ્યું હતું કે, મારી પાસે બધા સુખ છે, પરંતુ રાતનું સુખ નથી. જે મારી પત્ની મને નથી આપી શકતી તો તું મને તે સુખ આપી શકીશ. સસરાની આ વાત સાંભળીને જ યુવતી ડરીને રૂમમાં જતી રહી હતી. જેથી સસરાએ ધમકી આપી કે તું આ વાત કોઈને કરીશ તો હું કેનાલમાં પડીને આપઘાત કરી લઈશ.

યુવતીએ આ અંગે પતિને ફરિયાદ કરી તો પતિએ પગલાં લઈશું તેમ કહી પગલાં લેવાની જગ્યાએ પત્નીને જ પિયરમાં મૂકી આવ્યો હતો. જેથી યુવતીએ કંટાળીને સમગ્ર મામલે મહિલા પશ્ચિમ પોલીસ સ્ટેશનમાં પતિ, સાસુ અને સસરા સામે ફરિયાદ નોંધાવતા પોલીસે તપાસ હાથ ધરી છે.