ક્રાઈમ@મોરબી: પરિણીતાના પતિએ ફોન ના કરવા જણાવતા,યુવાને ગુસ્સે થઇ જાનથી મારી નાખવાની ધમકી આપી

અટલ સમાચાર ડોટ કોમ, ડેસ્ક

 મોરબીના પંચાસર રોડ પર પ્રમુખ સ્વામી સોસાયટી ૦૨ માં રહેતા મનીષભાઈ મનસુખભાઈ સાણદિયા એ મોરબી એ ડીવીઝન પોલીસમાં ફરિયાદ નોંધાવી છે કે તેના જ વિસ્તારમાં રહેતો દીપભાઈ રાજેન્દ્રભાઈ ગોસાઈ મનીષભાઈની પત્નીના ફોનમાં અવાર નવાર ફોન કરતા મનીષભાઈને જાણ થતા આરોપી દીપને ફરિયાદી મનીષભાઈએ ફોન ન કરવા જણાવતા આરોપી દીપે ગુસ્સે થઇ તેના પેન્ટના નેફામાંથી છરી કાઢી એક ધા ફરિયાદી મનીષભાઈના ડાબા ખંભાની પાછળ તથા બીજો એક ઘા તેની બાજુમાં જ મારી ઈજા કરી ઢીકા પાટુંનો માર મારી જાનથી મારી નાખવાની ધમકી આપી હોવાની ફરિયાદ નોંધાવી છે તો મોરબી એ ડીવીઝન પોલીસે ફરિયાદ નોંધી વધુ તપાસ હાથ ધરી છે