ક્રાઇમ@વડોદરા: પતિએ પત્નીની ગળુ દબાવી મોતને ઘાટ ઉતારી, 6 માસની બાળકીએ માતાની છત્રછાયા ગુમાવી

અટલ સમાચાર ડોટ કોમ, ડેસ્ક 

રાજ્યમાં મર્ડરના ગુનાઓ ખુબજ વધી ગયા છે. ફરી એકવાર વડોદરા શહેરમાથી તાંદલજા વિસ્તારમાં પતિએ જ પત્નીની ગળુ દબાવી હત્યા કરી હોવાની ઘટના સામે આવી છે.મહિલાના પતિ સાથે બીજા લગ્ન થયા હતા. આ દંપતીને 6 માસની બાળકી પણ છે. જો કે માતાની હત્યાથી હવે બાળકીએ માતાની છત્રછાયા ગુમાવી છે. આ મામલે જે પી રોડ પોલીસે હત્યાનો ગુનો નોંધી વધુ કાર્યવાહી હાથ ધરી છે. આ હત્યા પાછળનું મૂળ કારણ એટલું છે કે પતિ કોઈ કામ કરતો ન હતો અને છ માસની બાળકીને માતા મારતી હશે એટલે પતિએ પત્નીની હત્યા કરી નાખી હતી.

શેખ પરિવાર તાંદલજા વિસ્તારમા આવેલી મહાબલીપુરમ સોસાયટીના ગેટ નંબર 2ના મકાન નંબર 197માં થોડા દિવસો અગાઉ રહેવા માટે આવ્યો હતો. આશરે 23 વર્ષીય મિસ્બા શેખ તથા તેના પતિ કાસિમ શેખ વચ્ચે કારણોસર બોલાચાલી થઇ હતી. ત્યાર બાદ ઉશકેરાયેલા કાસિમે તેની પત્ની મિસ્બા શેખનુ ગળું દબાવી મોતને ઘાટ ઉતારી હતી. મિસ્બાને સંતાનમા 6 મહિનાની બાળકી છે. આ બનવાની જાણ થતાં જ જેપી રોડ પોલીસ સ્ટેશનના પોલીસ ઇન્સ્પેક્ટર સહિતનો સ્ટાફ સ્થળ પર આવી પહોંચ્યો હતો. હત્યા કરનારા આરોપી પતિ કાસિમ શેખને ગણતરીના કલાકોમાં જ ઝડપી વધુ કાર્યવાહી હાથ ધરી છે.

મૃતક મિસ્બા શેખનો મૃતદેહને પોસમોર્ટમ અર્થે ગોત્રી હોસ્પિટલ ખાતે ખસેડવામાં આવ્યો આવ્યો છે. પોલીસે હાલમાં વધુ કાર્યવાહી હાથ ધરી છે. આ હત્યા પાછળનું શું કારણ છે તે દિશામાં પણ તપાસ શરૂ કરી છે.

જે પી રોડ પોલીસ મથકમાં નોંધાયેલી ફરિયાદમાં, મિસ્બા ઉર્ફે આરજુના પતિ કાસિમ શબ્બીરભાઇ શેખ ભાડેથી રાખેલા ઘર મહાબલીપુરમ ગેટ નંબર-02 તાંદલજા ખાતે રહેતા હતા. પત્નીનું ગળું દબાવી હત્યા કરનાર કાસિમ શેખ ફરિયાદમાં જણાવે છે કે “તુમ્હારી નવાસી મિસ્બા મેરી છોટી લડકી કો મારતી થી, ઓર બાર બાર મૈને ઉસકો મારને કો મના કીયા, તો મેરે કો બોલી કી તુમ કુછ કમાતે તો નહીં હો તુમ્હારે મેં કામ કરને કી ઔકાત નહી હૈ ઓર મુજે સલાહ દેતે હો એસા મુજે બોલ કે, ઓર ચીલ્લાતી થી ઔર મેરી લડકી કો જ્યાદા મારતીથી તો મેરેકો ગુસ્સા આ ગયા ઓર મૈને ઉસકા ગલા દબા કે માર ડાલા અભી મહાબલીપુરમ વાલે ભાડે કે મકાન મેં પડી હૈ” તેવું પોલીસને નિવેદન આપ્યું હતું.