બનાવ@મુંબઈ: ચુનાભટ્ટીની આઝાદ ગલીમાં આજે બપોરે ફાયરિંગની ઘટનામાં 1 વ્યક્તિનું મોત

અટલ સમાચાર ડોટ કોમ, ડેસ્ક 

મુંબઈમાં ચુનાભટ્ટીની આઝાદ ગલીમાં રવિવારે બપોરે ફાયરિંગની ઘટના સામે આવી હતી. આ ફાયરિંગમાં એક વ્યક્તિનું મોત થયું હતું અને અન્ય ત્રણ ઘાયલ થયા હતા. ત્રણેયને સાયન હોસ્પિટલમાં દાખલ કરવામાં આવ્યા છે. આરોપીઓ ગોળી મારીને ભાગી ગયા હતા. મુંબઈમાં દિવસે દિવસે ગોળીબારના કારણે શહેરમાં ફરી ગેંગ વોર સક્રિય થઈ હોવાની ચર્ચા શરૂ થઈ છે. ત્યારે ચુનાભટ્ટીના નાગરિકોમાં ભયનો માહોલ સર્જાયો છે.

ચુનાભટ્ટીમાં વીએન ઈસ્ટ રોડ પર આઝાદ ગલીમાં બપોરે લગભગ 3.30 વાગ્યે ફાયરિંગ થયું હતું. આ શેરી ખૂબ જ સાંકડી છે. આ ગલીમાં 15થી વધુ રાઉન્ડ ફાયરિંગ થયાનો અહેવાલ છે. ફાયરિંગ બાદ આરોપીઓ ફરાર થઈ ગયા છે. આ ફાયરિંગમાં એક વ્યક્તિનું મોત થયું હતું અને અન્ય ત્રણથી ચાર ઘાયલ થયા હતા. ઘાયલોને તાત્કાલિક સાયન હોસ્પિટલમાં દાખલ કરવામાં આવ્યા અને તેમની સારવાર ચાલી રહી છે.

ઘાયલોમાં એક કુખ્યાત ગેંગસ્ટર પણ હોવાનું સામે આવ્યું છે. ફાયરિંગની ઘટનાની માહિતી મળતા જ પોલીસ ઘટના સ્થળે પહોંચી ગઈ હતી. પોલીસે આ મામલે તપાસ શરૂ કરી છે. પોલીસને ઘટનાસ્થળેથી બુલેટના શેલ મળ્યા છે. આ ગોળીઓ રસ્તા પર પડી હતી. પોલીસે આસપાસના લોકોની સઘન પૂછપરછ શરૂ કરી છે. દુકાનદારો અને અન્ય લોકો પાસેથી પણ માહિતી એકઠી કરવાનો પ્રયાસ કરવામાં આવી રહ્યો છે. પોલીસ વિસ્તારના સીસીટીવી ફૂટેજ મેળવવાનો પણ પ્રયાસ કરી રહી છે.

પ્રાથમિક માહિતી અનુસાર, જૂની અદાવતના કારણે આ ફાયરિંગ થયું હતું. પરંતુ ફાયરિંગ કોણે કર્યું તે અંગે કોઈ માહિતી નથી અને પોલીસ તેમને શોધી રહી છે. હુમલાખોરોનું નિશાન કોણ હતું તે અંગેની માહિતી હજુ સામે આવી નથી. પોલીસે આ મામલે વધુ તપાસ હાથ ધરી છે. પોલીસ ઘાયલોની માહિતી મેળવવાનો પ્રયાસ કરી રહી છે.

અચાનક થયેલા ગોળીબારના કારણે સ્થાનિક લોકો પણ ડરી ગયા હતા. ફાયરિંગનો અવાજ સાંભળીને લોકો ડરી ગયા હતા અને પોતાના ઘરોમાં છુપાઈ ગયા હતા. ગોળીબારથી નાગરિકોમાં ગભરાટ ફેલાઈ ગયો હતો. પોલીસે ઘટનાસ્થળે પહોંચીને સમગ્ર વિસ્તારને સીલ કરી દીધો હતો. આઝાદ ગલીમાં પ્રવેશવા પર પ્રતિબંધ મુકી દીધો છે.