આગાહી@ગુજરાત: હવામાન નિષ્ણાંત અંબાલાલ પટેલે રાજ્યમાં આગામી દિવોસમાં કમોસમી વરસાદની આગાહી કરી

અટલ સમાચાર ડોટ કોમ, ડેસ્ક 

હાલમાં શિયાળાની શરૂવાત થઇ ગઈ છે. કડકડતી ઠંડી પડી રહી છે. ગુજરાતમાં હાલ ઠંડીનો ચમકારો વધ્યો છે. જેમાં છેલ્લા 2-3 દિવસથી રાજ્યમાં ઠંડા પવનોએ જોર પકડ્યું છે. ત્યારે હવે અંબાલાલ પટેલ દ્વારા કાતિલ ઠંડીની સાથે વરસાદને લઈને મોટી આગાહી કરવામાં આવી છે.

હવામાન નિષ્ણાંત અંબાલાલ પટેલે રાજ્યમાં આગામી દિવોસમાં કમોસમી વરસાદની આગાહી કરી છે. અંબાલાલનું કહેવું છે કે, 17 ડિસેમ્બરથી મહત્તમ તાપમાનમાં વધારો થશે તેમજ 16 થી 24 ડિસેમ્બર અરબ સાગરમાં સિસ્ટમ બનશે.

જેને કારણે રાજ્યમાં કમોમસી વરસાદ વરસી શકે છે. અંબાલાલે વધુમાં જણાવ્યુ હતુ કે, ડિસેમ્બરના અંતમાં ભારે ઠંડી પડશે. 22 થી 31 સુધી કડકડતી ઠંડી પડશે. જાન્યુઆરીમાં કાતિલ ઠંડી પડશે.