આગાહી@અમદાવાદ: હવામાન વિભાગ દ્વારા અમદાવાદમાં ભારે વરસાદની આગાહી કરવામાં આવી

અટલ સમાચાર ડોટ કોમ, ડેસ્ક 

 હાલમાં ચોમાસાની સીઝન ચાલી રહી છે. કેટલાક વિસ્તારોમાં ભારે વરસાદ વરસી રહ્યો છે. હવામાન વિભાગ દ્વારા અમદાવાદમાં ભારે વરસાદની આગાહી કરવામાં આવી છે.  વહેલી સવારથી જ અમદાવાદ શહેરમાં વાદળીયું વાતાવરણ છવાયું છે.

પરંતુ તાપમાન પણ 33 ડિગ્રી સેલ્સિયસની આસપાસ રહેવાથી શહેરીજનોને અસહ્ય બફારાનો અનુભવ થઈ રહ્યો છે. પરંતુ Windy અનુસાર સાંજ પડતા જ અમદાવાદ શહેરના વાતાવરણમાં પલટો આવશે અને સાંજના છ વાગ્યા બાદ હળવો વરસાદ વરસી શકે છે. ત્યારબાદ રાતના આઠ વાગ્યાથી લઈને મધરાત સુધીમાં અમદાવાદ અને આસપાસના જિલ્લાઓમાં ભારે વરસાદ વરસી શકે છે.

આ સાથે જ 30થી 40 કિલોમીટર પ્રતિ કલાકની ઝડપે પવન પણ ફૂંકાવાની શક્યતા છે. ઉલ્લેખનીય છે કે, અમદાવાદ શહેરના કેટલાક વિસ્તારોમાં સાંજના ચાર વાગ્યાથી જ વાદળો બંધાવવાની શરૂઆત થઈ ચૂકી છે.