આગાહી@ગુજરાત: 29 માર્ચથી 1 એપ્રિલ સુધી કમોસમી વરસાદની આગાહી

અટલ સમાચાર ડોટ કોમ, ડેસ્ક 

ઉનાળાની ઋતુ ચાલુ છે. હવામાન વિભાગ દ્વારા 29 માર્ચથી 1 એપ્રિલ સુધી કમોસમી વરસાદની આગાહી કરવામાં આવી છે. માર્ચ મહિનામાં એક પછી એક વેસ્ટર્ન ડિસ્ટર્બન્સની સક્રિયાતાને કારણે રાજ્યમાં માર્ચના છેલ્લા સપ્તાહમાં પણ બેવડી ઋતુનો અનુભવ યથાવત્ રહ્યો છે.

હવામાન વિભાગે આગામી દિવસોમાં કમોસમી વરસાદ પડવાની આગાહી કરી છે. હવામાનની આગાહી મુજબ, પશ્ચિમ હિમાલય પ્રદેશમાં સર્જાયેલા વેસ્ટર્ન ડિસ્ટર્બન્સના કારણે ગુજરાતમાં 29 માર્ચથી 1 એપ્રિલ સુધી કમોસમી વરસાદની શક્યતા છે.

રાજ્યમાં ગાજવીજ સાથે 10 મિમી સુધી એટલે કે અડધા ઇંચથી ઓછો કમોસમી વરસાદ વરસવાની શક્યતા છે.