આરોગ્ય@શરીર: લાલ દ્રાક્ષમાં ફાયટોન્યુટ્રિઅન્ટ હોય છે, જે ઘણા રોગોને દૂર કરવામાં મદદ કરે

અટલ સમાચાર ડોટ કોમ, ડેસ્ક

દરેક લોકોને દ્રાક્ષ ખાવાનું પસંદ હોય છે. દ્રાક્ષની ઘણી જાતો ઉપલબ્ધ છે. જેમાં મુખ્યત્વે લોકો લાલ, લીલી અને જાંબલી દ્રાક્ષ વધુ ખાય છે. જે સ્વાસ્થ્યને અનેક રીતે ફાયદો કરે છે.આજે અમે તમને લાલ દ્રાક્ષના ફાયદા વિશે જણાવીશું, તેમાં ઘણા પ્રકારના વિટામિન અને મિનરલ્સ મળી આવે છે. લાલ દ્રાક્ષમાં વિટામિન-સી, વિટામિન-એ, ઝિંક, કોપર, પોટેશિયમ, કેલ્શિયમ વગેરે જેવા પોષક તત્ત્વો સારી માત્રામાં મળી આવે છે, જે ઘણી બીમારીઓને દૂર કરવામાં મદદરૂપ છે.

લાલ દ્રાક્ષ ખાવાના અનેક ફાયદા.

આ દ્રાક્ષ ન માત્ર સ્વાદિષ્ટ જ હોોય પરંતુ સ્વાસ્થ્ય માટે પણ ફાયદાકારક છે. આ દ્રાક્ષ મેંગેનીઝનો સમૃદ્ધ સ્ત્રોત છે. જે હાડકાના વિકાસ અને પાચનની તંદુરસ્તીને પ્રોત્સાહન આપે છે. આ સિવાય લાલ દ્રાક્ષ ખાવાથી રોગપ્રતિકારક શક્તિ પણ મજબૂત થાય છે.

લાલ દ્રાક્ષમાં ફાયટોન્યુટ્રિઅન્ટ હોય છે, જે ઘણા રોગોને દૂર કરવામાં મદદ કરે છે. આ ખાવાથી આંતરડાના કેન્સરનો ખતરો પણ ઓછો થાય છે. લાલ દ્રાક્ષ ખાવાથી અનેક પ્રકારની એલર્જીથી પણ છુટકારો મળે છે.

એન્ટીઑકિસડન્ટ ગુણોથી ભરપૂર લાલ દ્રાક્ષ સ્વાસ્થ્ય સંબંધિત ઘણી સમસ્યાઓને દૂર કરવામાં મદદ કરે છે. અન્ય ફળોની સરખામણીમાં તેમાં એન્ટીઓક્સીડેન્ટની માત્રા વધુ હોય છે. જે તમને ઘણી બીમારીઓથી બચાવવામાં મદદરૂપ છે.

દ્રાક્ષમાં હાજર પોટેશિયમ અને ફાઈબર તમારા સ્વાસ્થ્યને જાળવવામાં મદદ કરે છે. લાલ દ્રાક્ષ નિયમિતપણે ખાવાથી આંતરડાની ગતિ સરળ બને છે. તેમાં હાજર ફાઇબર પાચનને પ્રોત્સાહન આપે છે.

આવા ગુણ દ્રાક્ષમાં જોવા મળે છે, જે કોલેસ્ટ્રોલને નિયંત્રિત કરવામાં મદદ કરે છે. જો તમે દરરોજ લાલ દ્રાક્ષ ખાઓ છો, તો શરીરમાં હાજર ખરાબ કોલેસ્ટ્રોલનું સ્તર ઓછું થાય છે અને તમે હૃદય સંબંધિત બીમારીઓથી બચી શકો છો.

લાલ દ્રાક્ષ ખાવાથી યાદશક્તિ અને મગજની તંદુરસ્તી વધે છે. આ અલ્ઝાઈમર રોગનું જોખમ પણ ઘટાડે છે.