ઘટના@ગુજરાત: 5 વર્ષના બાળકનું પતંગની દોરીએ ગળું કાપી દેતા મોત નીપજ્યું
સારવાર મળે તે પહેલાં જ મોત
અટલ સમાચાર ડોટ કોમ, ડેસ્ક
આજે રાજ્યભરમાં ઉત્તરાયણ પર્વની ધામધૂમ પૂર્વક ઉજવણી થઈ રહી છે. આ પર્વ નિમિત્તે ઘણાં લોકો પોતાની મસ્તીમાં તહેવારની મજા માણતા હશે. આ મજા કેટલાંક લોકો માટે સજા બની જતી હોય છે.
ખાસ કરીને ટુ-વ્હીલર ચાલકો માટે પતંગની દોરી જીવલેણ બની જાય છે. પ્રતિબંધિત ચાયનીઝ દોરીથી ઘણાં લોકોનો જીવ જાય છે. આવો જ એક બનાવ પંચમહાલના વાળીનાથ ગામ પાસે બન્યો છે. જ્યાં પતંગની દોરીએ એક માસૂમનો જીવ લીધો હતો. પિતા સાથે બાઇક ઉપર જઈ રહેલા 5 વર્ષીય બાળકના ગળામાં પતંગની દોરી ભરાતા તેનું ગળું કપાઈ ગયું હતુ. તેને તાત્કાલિક સારવાર માટે હોસ્પિટલમાં ખસેડવામાં આવ્યો હતો. સારવાર મળે તે પહેલાં જ માસૂમનું મોત નીપજ્યું હતું.
પંચમહાલ જિલ્લાના શહેર તાલુકાના બોરડી ગામના 5 વર્ષના બાળકનું પતંગની દોરીથી ગળું કપાઈ જતા મોત નીપજ્યું. બાળક પિતા સાથે મામાના ઘરે ગયો હતો. ત્યાંથી પોતાના પિતા સાથે મોટરસાઈકલ ઉપર પરત આવતી વખતે આ બનાવ બન્યો હતો. પતંગની દોરી બાળકના ગાળામાં ફસાઈ ગઈ અને તેનું ગળું કપાઈ ગયું.
બાળકને સારવાર માટે ખસેડવામાં આવ્યું હતું. સારવાર મળે તે પહેલાજ બાળકનું મોત નીપજ્યું હતું.
