બનાવ@સુરત: 6 વર્ષનો બાળક ઘસઘસાટ ઊંઘમાં હતો ત્યારે શ્વાને માસૂમ પર હુમલો કર્યો

અટલ સમાચાર ડોટ કોમ, ડેસ્ક 

શ્વાનના આતંકના બનાવો ખુબજ વધી ગયા છે. સુરતમાં શ્વાનનો આતંક યથાવત રહેવા પામ્યો છે. ડિંડોલી વિસ્તારની એક દુકાનમાં સોફા પર 6 વર્ષનો બાળક ઘસઘસાટ ઊંઘમાં હતો ત્યારે ખોરાકની શોધમાં ફરતા શ્વાને માસૂમ પર હુમલો કર્યો.

બાળકને સોફા પરથી નીચે પછાડીને ઉપરાછપરી માથાના ભાગે બચકા ભર્યા. આ ઘટના પર એક યુવકની નજર પડતા તે તરત જ દોડતો આવ્યો અને શ્વાનને ભગાડી બાળકને બચાવી લે છે.

શ્વાનના હુમલાથી બાળકને માથાના ભાગે 15 જેટલા ટાંકા આવ્યા છે...હુમલાની આ સમગ્ર ઘટનાના CCTV પણ સામે આવ્યા છે. જોકે, આ ઘટનાથી પાલિકા અને તંત્રની રસીકરણ-ખસીકરણની કામગીરી માત્ર કાગળ પર જ રહેવા પામી છે એવું સાબિત થયું.