ઘટના@ગાંધીનગર: ગિફ્ટ સિટી પાસે ખુલ્લી ગટરમાં પડવાથી 5 વર્ષના બાળકનું મોત, જાણો સમગ્ર ઘટના

અટલ સમાચાર ડોટ કોમ, ડેસ્ક 

ગાંધીનગરમાંથી એક દુ:ખદ ઘટના સામે આવી છે. ગિફ્ટ સિટી ફાયર સ્ટેશન પાછળ 6 જાન્યુઆરીના રોજ ગટરમાં પડી જતા પાંચ વર્ષના બાળકનું મોત નિપજ્યું છે. રતનપુર ગામની લેબર કોલોનીમાં રિયાઝકુમાર રાજકુમાર રામ  રમતા રમતા ખુલ્લી ગટરમાં ગરકાવ થઈ ગયો હતો. આ અંગે જાણ થતા જ ગાંધીનગર અને ગિફ્ટ સિટી ફાયર સ્ટેશનની ગાડીઓ તાત્કાલિક ઘટનાસ્થળે પહોંચી હતી અને બાળકના રેસ્ક્યુની કામગીરી હાથ ધરી હતી.

ફાયર જવાનોએ તાત્કાલિક ગટરમાં ઉતરી બાળકને બહાર કાઢ્યું હતું અને ત્યાર બાદ 108 દ્વારા હોસ્પિટલ ખસેડવામાં આવ્યું હતું. આ દરમિયાન 108ના ડોક્ટર દ્વારા રિયાઝકુમારને તાત્કાલિક CPR પણ આપવામાં આવ્યું હતું. જોકે, રિયાઝકુમારને ગાંધીનગર સિવિલ હોસ્પિટલ લઈ જવામાં આવતા ડોક્ટરે મૃત જાહેર કર્યો હતો.

આ અંગે ડભોડા પોલીસ મથકના પીઆઈ જી.કે ભરવાડે જણાવ્યું હતું કે, ગિફ્ટ સિટી ફાયર સ્ટેશનની પાછળ રતનપુર ગામની લેબર કોલોનીમાં એક ખુલ્લી ગટરમાં પાંચ વર્ષનું બાળક રમતા રમતા પડી ગયું હતું. જેને ફાયર બ્રિગેડ દ્વારા બહાર કાઢીને 108 મારફતે સારવાર અર્થે મોકલી આપવામાં આવ્યું હતું.

આ અંગે ગાંધીનગર ફાયર બ્રિગેડના ઇન્ચાર્જ ચીફ ફાયર ઓફિસર રાજેશ પટેલે કહ્યું કે, આ ઘટના ગિફ્ટ સિટીની બાજુમાં આવેલા ગામની અંદર બની છે. અહીં લેબર કોલોની બનાવવામાં આવેલી છે. બિલકોન કંપનીને ત્યાં આ ઘટના બની હતી. બાળકનું નામ રિયાઝકુમાર રાજકુમાર રામ અને મૂળ ઝારખંડનો રહેવાસી છે. આ કન્સ્ટ્રક્શન સાઈટ નહીં પણ લેબર કોલોની છે જ્યાં ઓછામાં ઓછા 500થી 600 લેબર રહે છે. લેબર કોલોનીની અંદર આ બાળક રમતા-રમતા ખાળકુવાની અંદર ગરકાવ થઈ ગયો હતો.

આ અંગે ગિફ્ટ સિટીના ફાયર ઓફિસર અમર પાંડે કહ્યું કે, ગિફ્ટ સિટીને અડીને આવેલા રતનપુર ગામમાં અલગ અલગ લેબર કોલોની આવેલી છે. આ વિસ્તાર ગિફ્ટ સિટીની હદ બહારનો છે. વાસ્તવમાં અહીં જે મજૂરો કામ કરતા હોય છે તેઓ ગિફ્ટ સિટી વાળા રસ્તેથી આવત-જતા હોય છે. આ બનાવની જાણ થતા અમારી ટીમ પણ સ્થળ