વરસાદ@ગુજરાત: રાજ્યના 140થી વધુ તાલુકાઓમાં વરસાદ વરસ્યો

અટલ સમાચાર ડોટ કોમ, ડેસ્ક 

લાંબા સમય વિરામ બાદ રાજ્યમાં મેઘરાજાનું આગમન થયું છે. ગુજરાતમાં હવામાન વિભાગ દ્વારા આગામી પાંચ દિવસ સાર્વત્રિક વરસાદની આગાહી કરવામાં આવી છે. તો સાથે કેટલાક જિલ્લાઓમાં ભારેથી અતિભારે વરસાદની આગાહી પણ વ્યકત કરવામાં આવી છે.

રાજ્યના 140થી વધુ તાલુકાઓમાં મેઘરાજાએ હાજરી પુરાવી હતી. સૌથી વધુ બનાસકાંઠાના વડગામમાં સાડા 6 ઈંચ વરસાદ નોંધાયો હતો. અન્ય જિલ્લાઓમાં પણ ધોધમાર વરસાદ વરસતા લોકોએ ગરમીમાં રાહત અનુભવી હતી તો ખેતી માટે કાચા સોનારૂપી વરસાદ થતા ધરતીપુત્રોમાં પણ ખુશીનો માહોલ જોવા મળ્યો હતો.