વરસાદ@ગુજરાત: રાજ્યમાં 100થી વધુ તાલુકાઓમાં વરસાદ વરસ્યો

અટલ સમાચાર ડોટ કોમ, ડેસ્ક

હાલમાં ચોમાસાની ઋતુ ચાલી રહી છે. ભારે વરસાદની આગાહી વચ્ચે રાજ્યમાં 100થી વધુ તાલુકાઓમાં વરસાદ વરસ્યો. સૌથી વધુ નવસારીના ખેરગામમાં 7 ઈંચ વરસાદ ખાબક્યો. મોડી રાત્રે અમદાવાદમાં પણ ધોધમાર વરસાદ શરૂ થતા ગણતરીની મિનિટોમાં જ રસ્તાઓ પાણી પાણી જોવા મળ્યા.

ભારેથી અતિભારે વરસાદને અનુલક્ષીને વલસાડ જિલ્લાની વર્તમાન પરિસ્થિતિ અને હવામાન વિભાગ દ્વારા જાહેર કરાયેલ રેડ એલર્ટને ધ્યાને લઈ સુરક્ષાના ભાગરૂપે આજે 5 ઓગસ્ટને સોમવારે વલસાડ, ધરમપુર અને કપારાડ તાલુકાની આંગણવાડી, શાળા,કોલેજો અને ITI બંધ રાખવામાં આવી છે.