રિપોર્ટ@રાજકોટ: માર્કેટિંગ યાર્ડ બહાર 2500 વાહનની 12 કિમી લાંબી લાઇનો, જાણો વધુ

અટલ સમાચાર ડોટ કોમ, ડેસ્ક 

માર્કેટિંગ યાર્ડમાં કેટલાક દિવસથી ઘઉં, જીરું, ચણા સહિતના શિયાળુ પાકની આવકમાં સતત વધારો નોંધાઈ રહ્યો છે. આજે સવારથી જ યાર્ડની બહાર વિવિધ જણસીઓ લઈને આવેલાં વાહનોની 12 કિમીથી વધુ લાંબી લાઈનો જોવા મળી હતી.

યાર્ડના સત્તાધીશો દ્વારા ખેડૂતોને કોઈ મુશ્કેલી ન પડે એ માટે ક્રમવાર 2,500 કરતાં વધુ વાહનોને પ્રવેશ આપી તમામ જણસીઓની ઊતરાઈ કરાવવામાં આવી હતી.

જેમાં ઘઉં અને ધાણાની સૌથી વધુ આવક નોંધાઈ હતી. ધાણાની 2 લાખ મણ અને ઘઉંની દોઢ લાખ મણ આવક નોંધાઈ છે. જ્યારે જીરું, કપાસ અને મગફળી સહિતની વિવિધ જણસીના ખડકલા યાર્ડમાં થયા હતા.