રિપોર્ટ@અમદાવાદ: વિશ્વકુંજ-2ના 7માં માળેથી 10 મજૂર પટકાયા, 2ના મોત

અટલ સમાચાર ડોટ કોમ, ડેસ્ક 

રાજ્યમાં અવાર-નવાર કેટલીક ઘટનાઓ સામે આવતી હોય છે. અમદાવાદના સાઉથ બોપલમાં 25 ફૂટ બાય 10 ફૂટની સાઇઝનું ​​​​​ હોર્ડિંગ લગાવતી વખતે વિશ્વકુંજ-2ના 7 માળ પરથી 10 મજૂર પટકાયા છે. જેમાંથી 2ના મોત થયા છે.

થાંભલાના વાયર સાથે હોર્ડિંગ અડી જતા બ્લાસ્ટ થયો અને તેના કારણે મજૂરો પટકાયા હતા. યુપીના મજૂરો હતા જેમાં રાજ અને મહેશના મોત થયા છે. રવિ નામનો વ્યક્તિ ગંભીર રીતે ઇજાગ્રસ્ત થતા સારવારમાં કરવામાં આવી છે. 

વીજળીના થાંભલા પર હોર્ડિંગ પડતા લાઈટના થાંભલાના વાયર તૂટ્યા હતા. તેમજ બિલ્ડિંગ નીચે રાખેલી ગાડી પર હોડિંગ તૂટી પડ્યું હતું.હોર્ડિંગ્સ માટે AMCના દક્ષિણ પશ્ચિમ ઝોનના એસ્ટેટ વિભાગની કોઇપણ મંજૂરી લેવામાં આવી નહોતી. શહેરમાં કોઈપણ સ્થળે હોર્ડિંગ્સ લગાવવા માટે મ્યુનિસિપલ કોર્પોરેશનના એસ્ટેટ વિભાગની પરવાનગી લેવી પડે છે. આ હોર્ડિંગ્સ લગાવવા માટે કોઈ મંજૂરી લેવામાં આવી નથી.