રિપોર્ટ@વડોદરા: હાથમાં તલવાર અને માથે તાજ પહેરીને જન્મદિવસની ઉજવણી યુવકને ભારે પડી
અટલ સમાચાર ડોટ કોમ, ડેસ્ક
નબીરાએ ઐયાશી અને રોફ જમાવવા માટે હથિયાર લઈ જાહેરમાં રીલ બનાવી હાથમાં તલવાર લઈ કેક કાપી જન્મદિવસની ઉજવણી કરી. વીડિયો વાઇરલ થતાં જ પોલીસ સક્રિય થઈ અને નબીરા ક્રિશ રાજેશભાઈ મુલાણી વિરુદ્ધ હથિયારબંધી જાહેરનામા ભંગ અતર્ગત ગુનો નોંધી કાયદેસરની કાર્યવાહી હાથ ધરી હતી.
વીડિયોમાં આ નબીરો હાથમાં તલવાર લઈ ફલેટમાંથી એન્ટ્રી લે છે અને ત્યારબાદ રોયલ સ્ટાઇલમાં બૂલેટ પર મૂકેલી કેક પાસે પહોંચે છે અને ત્યારબાદ એક હાથમાં તલવાર અને બીજા હાથમાં ગનશોર્ટલઈને ઉજવણી કરતો નજરે પડે છે.
જાહેરમાં પોતાના જન્મદિવસની ઉજવણી કરતા આ યુવકે તલવાર લઈને કેક કાપી છે. જેનો વીડિયો સોશિયલ મીડિયામાં વાઇરલ થતા વારસિયા પોલીસ એક્શનમાં આવી હતી અને પોલીસે આ વીડિયો બાબતે તપાસ કરતા આરોપી ક્રિશ રાજેશભાઈ મુલાણીને ઝડપી પાડ્યો હતો.
પોલીસે તેની પૂછપરછ કરતા તલવાર તેને પોતાના ઘરમાં રાખી હોવાની વાત કબૂલી હતી અને પોલીસે આ હથિયાર કબજે કરી હથિયારબંધી જાહેરનામા ભંગ અંતર્ગત ગુનો નોંધી વધુ કાર્યવાહી હાથ ધરી છે.
