રિપોર્ટ@ગુજરાત: નશામાં ધૂત હેડ કોન્સ્ટેબલે શિક્ષક પર અંધાધૂંધ ગોળીબાર કરતા મોત નીપજ્યું

અટલ સમાચાર ડોટ કોમ, ડેસ્ક 

રાજ્યમાં અવાર-અવાર કેટલીક ઘટનાઓ સામે આવતી હોય છે.  મુઝફરનગર, મુઝફરનગરમાં નશામાં ધૂત હેડ કોન્સ્ટેબલે સરકારી કાર્બાઈન વડે શિક્ષક પર અંધાધૂંધ ગોળીબાર કર્યો હતો. જેમાં શિક્ષકનું મોત થયું હતું. હેડ કોન્સ્ટેબલે તમાકુ ન આપતા ગુસ્સે થઈને ગોળીબાર કર્યો હતો.  રવિવારે મોડી રાત્રે એસડી ઈન્ટર કોલેજના ગેટ પાસે આ ઘટના બની હતી.

આ ઘટના બાદ રાજ્યભરના શિક્ષકોમાં ભારે રોષ જોવા મળી રહ્યો છે. લખનૌ અને મેરઠ સહિત અનેક જિલ્લાઓમાં વિરોધ પ્રદર્શન ચાલી રહ્યા છે. મેરઠની દ્ગછજી કોલેજમાં શિક્ષકોએ કામનો બહિષ્કાર કર્યો છે. જ્યારે એસડી કોલેજની બહાર શિક્ષકો સૂત્રોચ્ચાર કરી રહ્યા છે.

સર્ક્યુલર રોડ પર ચૌધરી છોટુ રામ ઈન્ટર કોલેજની સામે શિક્ષકોએ વિરોધ પ્રદર્શન શરૂ કરી દીધું છે.ચર્થવલના સપા ધારાસભ્ય પંકજ મલિક, સિટી મેજિસ્ટ્રેટ વિકાસ કશ્યપ અને સીઓ સિટી વ્યોમ બિંદલ, એડીએમ નરેન્દ્ર બહાદુર સિંહ શિક્ષકોની વચ્ચે પહોંચ્યા છે. તેમને મનાવવાના પ્રયાસો થઈ રહ્યા છે.શિક્ષકોની માગ છે કે આરોપીઓ સામે એનએસએ લગાવવામાં આવે. પીડિત પરિવારને ૧૦ કરોડ રૂપિયા આપવામાં આવે અને પરિવારના એક સભ્યને પીસીએસ રેક્ધની નોકરી આપવામાં આવે. રાજ્યના સન્માન સાથે અંતિમ સંસ્કાર અને ભવિષ્યમાં શિક્ષકોને ટ્રકમાં ફરજ પર મોકલવા જોઈએ નહીં.

શિક્ષક ધર્મેન્દ્ર કુમાર અને સંતોષ કુમાર ૧૪ માર્ચે વારાણસીથી યુપી બોર્ડ હાઈસ્કૂલની પરીક્ષાની નકલો લઈને ગયા હતા. કારમાં તેમની સાથે ઈન્સ્પેક્ટર નાગેન્દ્ર ચૌહાણ, હેડ કોન્સ્ટેબલ ચંદ્રપ્રકાશ અને અન્ય ૨ કર્મચારી જિતેન્દ્ર મૌર્ય અને કૃષ્ણ પ્રતાપ હતા. પોલીસ પૂછપરછમાં જાણવા મળ્યું કે હેડ કોન્સ્ટેબલ નશામાં હતો. તે ચોથા વર્ગના કર્મચારીઓ પાસેથી વારંવાર તમાકુ (સુરતી) માંગતો હતો. કોઈને આરામ કરવા દેતો ન હતો. શિક્ષક ધર્મેન્દ્ર કુમાર પાસેથી તમાકુ પણ મંગાવી હતી. ધર્મેન્દ્ર કુમારે આનો વાંધો ઉઠાવ્યો અને તમાકુ આપવાની ના પાડી.આ દરમિયાન ચંદ્રપ્રકાશ ગુસ્સામાં આવી ગયો અને તેણે અંધાધૂંધ ફાયરિંગ શરૂ કરી દીધું. આ દરમિયાન ટ્રકમાં હાજર લોકોએ તેને પકડી લીધો હતો. જો કે, ત્યાં સુધીમાં ધર્મેન્દ્ર કુમારને ઘણી વખત ગોળી મારી દેવામાં આવી હતી. ટ્રકમાં સર્વત્ર લોહી ફેલાઈ ગયું હતું. બોર્ડની નકલો પણ લોહીથી ખરડાયેલી હતી.

આ ઘટનામાં ચંદૌલી જિલ્લાના રામગઢના બૈરથના રહેવાસી ધર્મેન્દ્રનું મોત થયું હતું. પોલીસે ઘટનાસ્થળે પહોંચી આરોપી હેડ કોન્સ્ટેબલની કાર્બાઈન કબજે કરી તેની અટકાયત કરી હતી. વાહનમાં હાજર અન્ય લોકોની પણ અટકાયત કરવામાં આવી હતી. પોલીસ વિભાગના વરિષ્ઠ અધિકારીઓ આ મામલે તપાસ કરી રહ્યા છે. એસપી સિટી સત્યનારાયણ પ્રજાપતે જણાવ્યું કે, આ લોકો વારાણસીથી યુપી બોર્ડ હાઈસ્કૂલની પરીક્ષાની કોપી લઈને આવ્યા હતા. કોન્સ્ટેબલ ચંદ્રપ્રકાશે શિક્ષક ધર્મેન્દ્ર કુમારને ગોળી મારી હતી. પોલીસે ઘટના સ્થળે જઈને તપાસ હાથ ધરી હતી.