દુર્ઘટના@સુરત: શિરડી દર્શન કરવા ગયેલાં યુવાનોને અકસ્માત નડ્યો, 3ના ઘટના સ્થળે મોત, 4 ઈજાગ્રસ્ત

અટલ સમાચાર ડોટ કોમ, ડેસ્ક 

શિરડી દર્શન કરવા જતા સમયે અકસ્માત નડ્યો છે. જેમાં 2 યુવાનોના ઘટના સ્થળે મોત નીપજ્યાં જ્યારે એકનું સારવારમાં લઈ જતી વખતે રસ્તામાં મૃત્યું થયું. 4 યુવકોને સારવાર ખાતે મુંબઈ ખસેડવામાં આવ્યા છે. સુરત સ્કૂલ બસ કોન્ટ્રાક્ટના વ્યવસાય સાથે જોડાયેલા વિક્રમ ઓસ્વાલ અને તેની ટીમનો અકસ્માત થયા હોવાની વિગતો મળી છે.

સુરતના ભક્તો, જે સાંઈ બાબાના દર્શન કરવા જઈ રહ્યા હતાં, તેઓનો નાશિક નજીક એક ભયાનક અકસ્માતમાં ઘાયલ થયાં હતા. જેમાં 3 લોકોના મોત થયા હતા અને ચાર લોકો ગંભીર રીતે ઘાયલ થયા. શિરડીથી પરત ફરી રહેલા ભક્તોને લઈ જતી કાર નાસિક જિલ્લાના યેવલા તાલુકાના એરંડગાંવ રાયતે શિવર વિસ્તારમાં ગાડી પલટી ગઈ હતી. બાકીના ચાર ઘાયલોની નાસિકની એક ખાનગી હોસ્પિટલમાં સારવાર ચાલી રહી છે. ડોક્ટરોએ જણાવ્યું હતું કે તેમાંથી બેની હાલત ગંભીર છે.

પ્રાથમિક માહિતી અનુસાર, સુરતના સાત લોકો સાંઈ બાબાના દર્શન કરવા માટે શિરડી ગયાં હતા. દર્શન કર્યા પછી, તેઓ નાસિક થઈને તેઓ સુરત પરત ફરી રહ્યા હતા, ત્યારે ડ્રાઇવરે અચાનક વાહન પરનો કાબુ ગુમાવ્યો, જેના કારણે તે રસ્તાની બાજુમાં ગાડી પલટી ગઈ. બે લોકોના ઘટનાસ્થળે જ મોત થયા હતા, જ્યારે પાંચ અન્ય ગંભીર રીતે ઘાયલ થયા હતા. અકસ્માત એટલો ગંભીર હતો કે વાહનનો આગળનો ભાગ સંપૂર્ણપણે તુટી ગયો હતો. સ્થાનિક ગ્રામજનોએ ખૂબ જ મુશ્કેલીથી બધાને બચાવ્યા અને તાત્કાલિક એમ્બ્યુલન્સ દ્વારા નાસિક મોકલ્યા.

દરમિયાન, ઘાયલોમાંથી એકનું નાસિક સારવાર માટે જતા રસ્તામાં મૃત્યુ થયું, જેના કારણે મૃત્યુઆંક ત્રણ થયો. બાકીના ચાર લોકો નાસિકની એક ખાનગી હોસ્પિટલમાં સારવાર હેઠળ છે.

ડોક્ટરોએ જણાવ્યું કે તેમાંથી બેની હાલત ગંભીર છે. પોલીસ ઘટનાસ્થળે પહોંચી અને અકસ્માતગ્રસ્ત વાહનને રસ્તાની બાજુમાં ખેંચી લીધું. ટ્રાફિક પૂર્વવત કરવામાં આવ્યો છે, અને ઘટનાસ્થળે મોટી ભીડ એકઠી થઈ ગઈ હતી.

અકસ્માતની તપાસ કરતા પોલીસે જણાવ્યું કે, વાહન ખૂબ જ ઝડપે ચાલી રહ્યું હતું, તેથી નિયંત્રણ ગુમાવવાની શક્યતા નકારી શકાય નહીં. તેમણે અકસ્માત સ્થળની આસપાસ લગાવેલા સીસીટીવી કેમેરાના ફૂટેજ મંગાવીને તપાસ શરૂ કરી છે. અકસ્માતનું ચોક્કસ કારણ નક્કી કરવા માટે વાહનની ટેકનિકલ તપાસ પણ કરવામાં આવશે.

આ અકસ્માતમાં જે યુવાનોનો ભોગ લેવાયો છે, તેમની ઓળખ સામે આવી છે. આ યુવાનો સ્કૂલ બસ કોન્ટ્રાક્ટના વ્યવસાય સાથે જોડાયેલા હતાં. મૃતક અને ઘાયલ યુવકોમાં વિક્રમ ઓસ્વાલ અને તેમની ટીમનો સમાવેશ થાય છે. વિક્રમ ઓસ્વાલ પોતે પણ આ વ્યવસાયમાં જોડાયેલાં હતા.

સ્કૂલ બસ કોન્ટ્રાક્ટના વ્યવસાય સાથે જોડાયેલા યુવાનોના અકસ્માત થતાં પરિવાર અને યુવા વર્તુળમાં શોકની લાગણી છવાઈ ગઈ છે. મિત્રો અને સંબંધીઓ આ સમાચાર સાંભળીને આઘાતમાં સરી પડ્યા છે. પોલીસે અકસ્માતની નોંધ લઇને કાયદેસરની કાર્યવાહી શરૂ કરી છે અને મૃતદેહોને પોસ્ટમોર્ટમ માટે મોકલી આપ્યા છે.