રીપોર્ટ@અમદાવાદ: ભાજપના કાર્યકર્તાની હત્યા કરનાર આરોપી આખરે પોલીસની પકડમાં,જાણો વિગતે

સાયબર ક્રાઇમની કસ્ટડીમાં જોવા મળતો આરોપી મોન્ટુ નામદાર છે. જે હત્યાના ગુના માં વચગાળાના જામીન મેળવીને ફરાર થઇ ગયો હતો. સાયબર ક્રાઇમની ટીમની ટેક્નિકલ એનાલિસિસ અને ખાનગી બાતમી દ્વારા ઉદયપુર નાથદ્વારા હાઇવે પરથી ઝડપી લીધો. આ હાઇવે પર પોતાની ઇનોવા ગાડીમાં પકડાયો. આરોપી મોન્ટુ નામદર હાઇકોર્ટે દ્વારા 13 જુલાઈ થી 26 જુલાઈ સુધી 14 દિવસના વચગાળાના જામીન મળ્યા હતા. 27 જુલાઈના રોજ પરત નડિયાદ જેલ હાજર થવાનું હતું પરંતુ આરોપી જેલમાં હાજર નહિ થઈ પેરોલ જમ્પ કરીને નાસતો ફરતો હતો. પોલીસ તપાસમાં આરોપી આબુ, દિલ્હી, મેરઠ, દેહરાદૂન અને રાજસ્થાનમાં છુપાયો હતો. સાયબર ક્રાઇમે આરોપીની ધરપકડ કરી તપાસ શરૂ કરી.

આરોપી મોન્ટુ નામદાર પોલીસથી બચવા અવનવી ટેક્નિકના પ્રયાસ કર્યા હતા. જેમાં પોતે ઇનોવા ગાડી લઈને ફરાર થયો હતો ત્યારે ટોલટેક્સ પર અન્ય ગાડીઓના ફાસ્ટટ્રેકથી ટ્રોલના પૈસા ચૂકવતો હતો. જેથી તે કઈ ગાડી લઈને નાસી ગયો હોય તે ખબર ના પડે અને પોલીસ તેનું લોકેશન જાણી ના શકે. એટલું જ નહીં તે 2જીનો કીપેડ મોબાઈલ ઉપયોગ કરતો હતો અને સીમકાર્ડ 2 થી 3 દિવસ ઉપયોગ કરીને પછી તોડી નાખતો હતો. આરોપી પોતાના પરિવાર સાથે લેન્ડલાઈન પર જ વાત કરતો હતો. જેથી પોલીસ તેનું લોકેશન ટ્રેસ ના કરી શકે.