રિપોર્ટ@અમદાવાદ: પતિની હેવાનિયત;પત્નીના વાળ ખેંચીને આડેધડ ગળા સહિતના ભાગે છરીના ઘા ઝીંક્યાં

અટલ સમાચાર ડોટ કોમ, ડેસ્ક 

‘તારા લીધે મારો ભાઈ મરી ગયો છે’ કહીને પતિએ જાહેરમાં પત્ની પર ઘાતક હુમલો  કર્યો. ગળા સહિતના ભાગે છરીના ઘા ઝીંકી દીધા હતા. પતિએ પત્નીને વાળ પકડીને જાહેર રોડ પર ઢસડી હતી. બાદમાં ગળામાં તેમજ શરીર પર ઉપરાછાપરી છરીના ઘા માર્યા હતા. આ સમગ્ર ઘટનાના હચમચાવી દેતા સીસીટીવી ફૂટેજ પણ સામે આવ્યા છે.

હુમલા સમયે 3 વ્યક્તિએ વચ્ચે પડીને છોડાવવાનો પ્રયાસ કર્યો છતાં હેવાન પતિએ પત્નીને છોડી નહોતી અને મારતો રહ્યો હતો. હાલમાં મહિલાની સિવિલ હોસ્પિટલમાં સારવાર ચાલી રહી છે અને તેની સ્થિતિ સ્થિર છે. તબીબોએ ગળા-ખભાના ભાગે ટાંકા લીધા છે. પતિના ત્રાસને કારણે મહિલા છેલ્લા 6 મહિનાથી તેના પિયરમાં રહેતી હતી. આ અંગે નિકોલ પોલીસે ગુનો નોંધી તપાસ હાથ ધરી છે.

ઈજાગ્રસ્ત યુવતીએ જણાવ્યું કે મારા પતિને છૂટાછેડા આપવા હતા, પરંતુ મેં ના પાડી હતી. જેથી મારા પતિએ મારા પર પાછળથી હુમલો કર્યો હતો. જે બાદ મારું ગળું કાપી દીધું હતું. લોકોએ મને છોડાવી હોસ્પિટલ મોકલી હતી.