રિપોર્ટ@ગુજરાત: આવતીકાલે પ્રકાશનું પર્વ દિવાળીનો તહેવાર, જાણો ચોપડા પૂજનનાં મુહૂર્ત

અટલ સમાચાર ડોટ કોમ, ડેસ્ક 

હાલમાં દિવાળીના પવિત્ર તહેવારો ચાલી રહ્યા છે. આવતીકાલે પ્રકાશનું પર્વ દિવાળીનો તહેવાર ઉજવવામાં આવશે. આ દિવસે દેવી લક્ષ્મી અને ભગવાન ગણેશની પૂજાનું વિશેષ મહત્ત્વ છે. દર વર્ષે આસો અમાસના દિવસે ઉજવાતા દિવાળીના પાવન અવસર પર લક્ષ્મી પૂજનની સાથે સાથે ચોપડા પૂજન પણ કરવામાં આવે છે. પરંપરા અનુસાર, ચોપડા પૂજનમાં જૂના ખાતા બંધ કરી નવા ખાતાવહી ખોલીને પૂજા કરવામાં આવે છે.

ચોપડા પૂજન દરમિયાન મુખ્યત્વે દેવી લક્ષ્મીની આરાધના કરાય છે, જેથી નવું વર્ષ આર્થિક રીતે સમૃદ્ધ અને ફળદાયી રહે. ઉપરાંત, જ્ઞાન-વિદ્યાની દેવી સરસ્વતીજીની પણ પૂજા કરાય છે. આ દિવસે, વેપારીઓ પોતાના ખાતાવહી પર 'શુભ' અને 'લાભ' લખે છે, જે તેમના તમામ પ્રયાસોમાં શુભકામના અને નફો સુનિશ્ચિત કરવાના ઉદ્દેશથી કરવામાં આવે છે. આ સિવાય ખાતાના પુસ્તકો પર સ્વસ્તિકનું ચિહ્ન પણ દોરવામાં આવે છે. ચાલો હવે આપણે ચોપડા પૂજન અને દિવાળીનાં પૂજા મુહૂર્ત જાણીએ..

જ્યોતિષ શાસ્ત્ર અનુસાર, જો આ દિવસે દરેક રાશિના જાતકો પોતાની રાશિ પ્રમાણે લક્ષ્મી પૂજનમાં વિશેષ વસ્તુઓનો ઉપયોગ કરે અને કેટલાક ખાસ ઉપાયો કરે તો માતા લક્ષ્મીની કૃપા આખું વર્ષ બની રહે છે અને ઘરમાં સુખ-સમૃદ્ધિ આવે છે.

દિવાળીના દિવસે ઘરમાં દેવી લક્ષ્મીની પૂજા કરવાનું વિશેષ મહત્ત્વ છે. એવું માનવામાં આવે છે કે ઘરમાં દેવી લક્ષ્મીની પૂજા કરવાથી સુખ-સમૃદ્ધિ અને સમૃદ્ધિ આવે છે. જે ઘરોમાં દેવી લક્ષ્મીની પિત્તળ કે ચાંદીની મૂર્તિ હોય છે ત્યાં નિયમિતપણે તેમની પૂજા કરવી જોઈએ. આ પાછળ ફક્ત ધાર્મિક કારણો જ નથી, પણ માનસિક કારણો પણ છે. એ આપણને પૈસા કમાવવા અને એનો સમજદારીપૂર્વક ઉપયોગ કરવા પ્રેરણા આપે છે. મંદિરમાં લક્ષ્મીની સાથે ગણેશજીનું હોવું જરૂરી માનવામાં આવે છે, કારણ કે લક્ષ્મી ધનની દેવી છે અને ગણેશજી બુદ્ધિના દેવતા છે. ઘરમાં લક્ષ્મી હોવાથી ત્યાં રહેતા લોકોને તેમની બુદ્ધિનો સારો ઉપયોગ કરવાની શક્તિ મળે છે.

શાસ્ત્રોમાં દેવી લક્ષ્મીની પૂજા માટેના કેટલાક નિયમો પણ જણાવવામાં આવ્યા છે. જો આ નિયમોનું પાલન અને દરરોજ પૂજા કરવામાં આવે તો લક્ષ્મી ઘરમાં કાયમ માટે નિવાસ કરે છે. શુક્રવારને દેવી લક્ષ્મી માટે ખાસ દિવસ માનવામાં આવે છે, તેથી જો તમે તેમને તમારા ઘરમાં સ્થાપિત કરવા માગતાં હો તો શુક્રવારે આવું કરવું શુભ માનવામાં આવે છે. વધુમાં, શુક્ર ગ્રહની પૂજા કરવાથી શુભ પરિણામો મળે છે અને કુંડળી સંબંધિત કેટલાક દોષો પણ દૂર થાય છે.