રિપોર્ટ@ગુજરાત: રાજ્ય સરકારે શરૂ કરી 'એગ્રીકલ્ચર AI ચેટબોટ' એપ, ખેડૂતોને ખેતી સંબંધિત તમામ માહિતી મળશે

ખેડૂતોને કૃષિને લગતી તમામ જાણકારી સમય પર મળી રહે તે માટે કેન્દ્ર સરકાર અને રાજ્ય સરકાર દ્વારા નવી નવી સર્વિસ શરૂ કરવામાં આવે છે. આ ક્રમમાં ઓડિશાના કૃષિ વિભાગ દ્વારા ખેડૂતોની મદદ માટે AI ચેટબોટ સર્વિસ શરૂ કરવામાં આવી છે. ખેડૂતોને કૃષિ સંબંધિત દરેક જાણકારી એક જ જગ્યા પર મળી રહે તે માટે આ સેવા શરૂ કરવામાં આવે છે.

રાજ્ય સરકારની આ AI ચેટબોટ એપમાં ખેડૂતોને અનેક સુવિધાઓ મળશે. ખેડૂતે આ કૃષિ એપમાં ટાઈપ કરવાની પણ જરૂર રહેશે નહીં. ખેડૂતો આ એપમાં બોલીને સરળતાથી તેમની સમસ્યાનું નિવારણ મેળવી શકે છે. દેશમાં એવા ખેડૂતો છે જેઓને લખતા અને વાંચતા આવડતું નથી. એપમાં અભણ ખેડૂતો માટે ઓડિયો દ્વારા સવાલ પૂછીને જવાબ મેળવવાની સુવિધા આપવામાં આવી છે.

આ એપ ઓડિશા સરકાર દ્વારા તૈયાર કરવામાં આવી હોવાથી ખેડૂતો ઉડિયા ભાષામાં ટાઈપ કરીને અથવા બોલીને તેમની ખેતી સાથે સંકળાયેલી સમસ્યાઓનું સમાધાન સરળતાથી મેળવી શકશે. આ એપ હજુ તેના પ્રારંભિક તબક્કામાં છે, તેથી સમય અનુસાર તેમાં અપડેટ પણ થશે. ચેટબોટના ડેવલપરનું કહેવું છે કે, આ એપમાં ફોટો અપલોડની સુવિધા સાથે અન્ય ઘણી સર્વિસ પણ સામેલ કરવામાં આવશે.

AI ચેટબોટ એપ કેવી રીતે ડાઉનલોડ કરવી

જે કોઈ ખેડૂતો AI ચેટબોટ એપની સુવિધા શરૂ કરવા માંગે છે, તો તેઓએ ગૂગલ પ્લે સ્ટોર પર જઈને ‘Ama Krushi AI Chatbot’ ડાઉનલોડ કરવી જોઈએ. તેમાં માંગવામાં આવેલી માહિતી ભર્યા બાદ તેનો ઉપયોગ કરી શકાય છે.