અટલ સમાચાર ડોટ કોમ, ડેસ્ક 

મહેસાણામાં લાંચ રૂશ્વત વિરોધી બ્યુરોએ વડનગર સિવિલ હોસ્પિટલના સુપ્રિટેન્ડન્ટને લાંચ લેતા રંગે હાથ ઝડપી પાડ્યો છે. મળતી વિગત મુજબ સિવિલ સુપ્રિટેન્ડન્ટ તરીકે ફરજ બજાવતા ક્લાસ-1ના ઉચ્ચ અધિકારી ડો. હર્ષિદ પટેલે એક ખાનગી ગાડીનું બિલ પાસ કરવા અને તેની લોગ બૂકમાં સહી કરી આપવાના બદલામાં 20 હજાર રૂપિયાની લાંચની માગણી કરી કતી.

આ બાબતે ફરિયાદ મળતા મહેસાણા ACB પીઆઇ એસ.ડી. ચાવડા અને તેમની ટીમે વડનગર સિવિલ હોસ્પિટલની કચેરીમાં જ છટકું ગોઠવ્યું હતું. ડો. હર્ષિદ પટેલ જ્યારે પોતાની ઓફિસમાં જ લાંચની રકમ સ્વીકારતા હતા ત્યારે જ ACBએ તેમને રંગે હાથ દબોચી લીધા હતા. આ સફળ ટ્રેપને પગલે સરકારી આલમમાં ભારે ફફડાટ વ્યાપી ગયો છે અને ACBએ ગુનો નોંધી આગળની કાયદેસરની કાર્યવાહી હાથ ધરી છે.