આરોગ્ય@શરીર: પ્રેગ્નન્સી દરમિયાન કેટલીક મહિલાઓ હાઈ બ્લડ પ્રેશરની સમસ્યા હોય તો સ્ટ્રોકનું જોખમ વધારે
અટલ સમાચાર ડોટ કોમ, ડેસ્ક
પ્રેગ્નન્સી દરમિયાન મહિલાઓના શરીરમાં અનેક બદલાવ થાય છે. આ દરમિયાન અનેક પ્રકારના ઈન્ફેક્શનનો પણ ભય રહે છે. મહિલાઓને પ્રેગ્નન્સી દરમિયાન અનેક પ્રકારના રોગની ઝપેટમાં આવવાની પણ શક્યતા રહે છે. કેટલીક મહિલાઓમાં હાઈ બ્લડ પ્રેશરની સમસ્યા હોય છે. જેને સમયે કંટ્રોલ કરવી જરુરી છે.ડોક્ટરોનું કહેવું છે કે, જો હાઈ બીપીની પેરેશાની લાંબા સમયથી હોય તો તેનાથી મહિલાઓમાં સ્ટ્રોક થવાનો ખતરો રહે છે. સ્ટ્રોક મગજની એક ખતરનાક બિમારી છે. તે મગજની કોઈપણ ધમનીમાં અવરોધ અથવા ફાટવાને કારણે થાય છે.
હાઈ બ્લડ પ્રેશરના દર્દીઓમાં સ્ટ્રોકનું જોખમ વધારે
ડોક્ટરોના જણાવ્યા અનુસાર જે મહિલાઓ ડાયાબિટીસ, હાઈબીપી, મોટાપા અને માનિસક તણાવથી પીડિત હોય છે. તેનામાં પ્રેગ્નન્સી દરમિયાન અનેક બિમારીનો ખતરો રહે છે. જેમાં સ્ટ્રોક પણ એક રોગ છે જે મહિલાઓને હાઈ બીપીના કારણે થઈ શકે છે. એવું જોવામાં આવ્યું છે કે, અંદાજે 80 ટકા સ્ટ્રોક બ્લોકેજના કારણે આવે છે. 20 ટકા કેસમાં હેમરેજ થઈ જાય છે. જે બાદમાં સ્ટ્રોકનું કારણ બને છે. મહિલાઓમાં વધતી ઉંમરની સાથે સ્ટ્રોકનો ખતરો પણ વધુ રહે છે.હાઈ બ્લડ પ્રેશરના દર્દીઓમાં સ્ટ્રોકનું જોખમ સામાન્ય વ્યક્તિ કરતા વધારે હોય છે.
આ છે સ્ટ્રોકના લક્ષણો
- અચાનક માથામાં દુ:ખાવો થવો
- ચક્કર આવવા
- ઝાંખુ દેખાવું
હાઈ બીપીને કંટ્રોલ કેવી રીતે કરવુ
- સૂવાનો અને ઉઠવાનો સમય ફિક્સ રાખો
- શરીરમાં પાણીની કમી ન થવા દો
- ડૉક્ટરની સલાહ મુજબ દરરોજ કસરત કરો
- તમારી દવાઓ સમયસર લો
- કેફીનનું સેવન ટાળો
- દરરોજ બીપી ચેક કરવાનું રાખો
હાઈબીપી અને કોલેસ્ટ્રોલ આનું ટ્રિગર ફૈક્ટર
પહેલા આ રોગ 50 વર્ષથી વધુ ઉંમરના લોકોને લાગતો હતો, પરંતુ હવે નાની ઉંમરમાં પણ તેનો ખતરો છે. હાઈ બ્લડ પ્રેશરથી પીડાતા લોકોને સ્ટ્રોકનું જોખમ વધારે હોય છે. સ્થૂળતા અને ડાયાબિટીસથી પીડિત લોકોને પણ આ રોગનું જોખમ રહેલું છે.ડોક્ટરોએ કહ્યું કે, ખરાબ લાઈફસ્ટાઈલના કારણે આ રોગની ઝપેટમાં આવી શકો છો. હાઈબીપી અને કોલેસ્ટ્રોલ આનું ટ્રિગર ફૈક્ટર છે. કેટલાક લોકોમાં જેનેટિક કારણોથી પણ આ બીમારી થઈ શકે છે.