ટેક@મોબાઈલ: એક જ સમયે 2 WhatsApp એકાઉન્ટમાં લૉગિન કરવાની સુવિધાની જાહેરાત કરી

અટલ સમાચાર ડોટ કોમ, ડેસ્ક

ઇન્સ્ટન્ટ મેસેજિંગ પ્લેટફોર્મ વોટ્સએપના યુઝર્સ માટે સારા સમાચાર છે. ટૂંક સમયમાં એક જ એપમાં બે વોટ્સપ એકાઉન્ટનો ઉપયોગ શક્ય બનશે. મેટા-માલિકી ધરાવતી WhatsAppએ ગુરુવારે એક જ સમયે 2 WhatsApp એકાઉન્ટમાં લૉગિન કરવાની સુવિધાની જાહેરાત કરી હતી. Meta CEO માર્ક ઝકરબર્ગે એક પોસ્ટમાં કહ્યું કે WhatsApp યુઝર્સ ટૂંક સમયમાં એક જ સમયે 2 WhatsApp એકાઉન્ટમાં લોગ ઈન કરી શકશે.

તેણે જાહેરાત કરી, “વોટ્સએપ પર 2 એકાઉન્ટ વચ્ચે સ્વિચ કરો. “ટૂંક સમયમાં તમે એપમાં એક ફોન પર 2 WhatsApp એકાઉન્ટ ધરાવી શકશો.” આ ફીચર આગામી સપ્તાહો અને મહિનામાં એન્ડ્રોઇડ યુઝર્સ માટે રોલઆઉટ કરવાનું શરૂ કરશે. કંપનીએ કહ્યું, “હવે તમારે દર વખતે લોગ આઉટ થવાની, 2 ફોન લઈને જવાની કે ખોટી જગ્યાએથી મેસેજ આવવાની ચિંતા કરવાની જરૂર નથી.”

બીજું ખાતું બનાવવા માટે, તમારે બીજા ફોન નંબર અને સિમ કાર્ડ અથવા એવા ફોનની જરૂર પડશે જે મલ્ટિ-સિમ અથવા ઇ-સિમ સ્વીકારે છે. ફક્ત તમારા WhatsApp સેટિંગ્સ ખોલો, તમારા નામની બાજુના તીર પર ક્લિક કરો અને “એડ એકાઉન્ટ” પર ક્લિક કરો. કંપની અનુસાર, તમે દરેક એકાઉન્ટ પર તમારી પ્રાઈવસી અને નોટિફિકેશન સેટિંગ્સને નિયંત્રિત કરી શકો છો.