રિપોર્ટ@હિંમતનગર: અંડરબ્રિજમાં એસટી બસ પાણીમાં ગરકાવ, જાણો વધુ વિગતે

અટલ સમાચાર ડોટ કોમ, ડેસ્કગુજરાતમાં મેઘરાજાનું તાંડવ જોવા મળી રહ્યો છે. આગાહીના વચ્ચે રાજ્યમાં અતિભારે વરસાદ વરસી રહ્યો છે. સાબરકાંઠાના હિંમતનગરમાં ધોધમાર વરસાદથી પાણી જ પાણી જોવા મળ્યું છે.

ખાસ કરીને હિંમતનગરના હમીરગઢ ગામ પાસે આવેલા રેલવે અંડરબ્રિજમાં પાણી ભરાયા હતા. આ દરમિયાન રેલવે અંડરબ્રિજમાંથી પસાર થતી એસટી બસ પાણીમાં ગરકાવ થઈ હતી. હિંમતનગરથી વીરાવડા વાયા હમીરગઢ જઈ રહેલી એસટી બસ અંદરબ્રિજના પાણીમાં ગરકાવ થઈ હતી. આ બસ સેન્સરના કારણે બંધ પડી ગઈ હતી.

પાણી ભરાય તે પૂર્વે એસટી બસ અંડરબ્રિજમાં જ સેન્સરના કારણે બંધ પડી ગઈ હતી. આસપાસના ખેતરોનું તેમજ ગામનું પાણી અંડરબ્રિજમાં ફરી વળ્યું હતું. વરસાદી પાણીના નિકાલના અભાવે દર વર્ષે અંડરબ્રિજમાં પાણી ભરાય છે.