દુર્ઘટના@અમદાવાદ: પોલીસની નેમપ્લેટ વાળી કારે રિક્ષાને ટક્કર મારતા 11 વર્ષના બાળકનું મોત નીપજ્યું

અટલ સમાચાર ડોટ કોમ, ડેસ્ક

રાજ્યમાં અકસ્માતના બનાવો ખુબજ વધી ગયા છે. અમાદાવાથી ભયાનક અકસ્માતની ઘટના સામે આવી છે. અમદાવાદ શહેરમાં અકસ્માતના બનાવવામાં સતત વધારો થઈ રહ્યો છે. શનિવારે મીઠાખળી પાસે એક કારચાલકે પૂરપાટ ઝડપે પાંચ લોકોને અડફેટ લીધા હતા.જેમાં એક મહિલાનું મોત થયું હતું.ત્યારે આજે ફરીથી ચાંદખેડામાં પોલીસના નેમ પ્લેટ વાળી કારે લોડીંગ રીક્ષાને ટક્કર મારી હતી.જેના કારણે લોડીંગ રીક્ષા પલટી ખાઈ પડી હતી.આ દરમિયાન લોડીંગ રીક્ષામાં બેઠેલા 11 વર્ષના કિશોરનું મોત થયું છે. આ અંગે એલ ડિવિઝન ટ્રાફિક પોલીસે ગુનો નોંધી આરોપીની ધરપકડ કરી છે.પોલીસનું કહેવું છે કે આરોપી પોલીસમાં નથી તે ખાનગી કંપનીમાં નોકરી કરે છે.

ચાંદખેડા IOC રોડ ઉપર સ્નેહા પ્લાઝાની સામે ગંગારામ ગુર્જર તેમના 11 વર્ષના કિશોરને શંકરને લોડીંગ ટેમ્પામાં બેસાડીને લઈ જઈ રહ્યા હતા.આ દરમિયાન એક ટીયાગો ગાડી જેમાં આગળના ભાગે પોલીસ લખેલી નેમ પ્લેટ પડી હતી.તે ગાડીએ પુરપાટ ઝડપે લોડીંગ રીક્ષાને ટેક્ટર મારી હતી.લોડીંગ રીક્ષાને ટક્કર વાગતા રીક્ષા પલટી ખાઈ ગઈ હતી,જેના કારણે રિક્ષામાં સવાર પિતા પુત્ર નીચે પડ્યા હતા.લોડીંગ રીક્ષા 11 વર્ષના કિશોર પર પડતા ગળાના ભાગે ગંભીર ઇજા થઈ હતી.

કિશોરનું અકસ્માતમાં સ્થળ પર જ મોત થયું હતું.જ્યારે કિશોરના પિતા ગંગારામ ગુર્જરને ઇજા પહોંચી છે.બનાવ બનતા આસપાસના લોકો પણ એકઠા થઈ ગયા હતા.આ બનાવમાં પોલીસની નેમ પ્લેટ લખેલી કાર ચલાવનાર વ્યક્તિ તરુણ પરમાર નામનો હોવાનું સામે આવ્યું છે.આરોપી તરુણ પરમાર અમદાવાદના મણીનગરમાં રહે છે અને મારુતિ કુરિયર કંપનીમાં નોકરી કરતો હોવાનું સામે આવ્યું છે.જોકે કારની આગળ જે પોલીસ લખેલી નેમ પ્લેટ પડી હતી તે બાબતે પોલીસ દ્વારા તપાસ કરવામાં આવી રહી છે.

આ અંગે એલ ડિવિઝન પોલીસ સ્ટેશનના પીઆઈ એન.એમ પંચાલે જણાવ્યું હતું કે અકસ્માત અંગે ગુનો નોંધવામાં આવ્યો છે.આરોપીની ધરપકડ પણ કરવામાં આવી છે.આરોપીએ ગાડીમાં પોલીસની નેમ પ્લેટ કેમ લગાવી તે મામલે તપાસ કરવામાં આવી રહી છે.