દુર્ઘટના@વડોદરા: ઇન્સ્યોરન્સ ઓફિસના એસીમાં અચાનક બ્લાસ્ટ થયો, 2ની હાલત ગંભીર

અટલ સમાચાર ડોટ કોમ, ડેસ્ક 

રાજ્યમાં આગ લાગવાના કેટલાક બનાવો સામે આવતા હોય છે. વડોદરામાંથી ફરી આગ લાગવાનો ભયાનક બનાવ સામે આવ્યો છે. વડોદરામાં નવી કલેક્ટર કચેરી પાસે શ્રીરામ ઇન્સ્યોરન્સ કંપનીની ઓફિસમાં એર કંડિશનમાં બ્લાસ્ટ થતાં અફરા તફરી મચી ગઈ હતી. આ બ્લાસ્ટને કારણે 6 લોકોને ઈજા પહોંચી હતી.

આ ત્યાર બાદ તેમને સ્ટર્લિંગ હોસ્પિટલ ખાતે ખસેડવામાં આવ્યા હતા. આ અંગે જાણ થતા જ સ્થાનિક પોલીસ ઘટના સ્થળે દોડી આવી હતી અને તપાસ શરૂ કરી છે. પોલીસ સુત્રોએ જણાવ્યા મુજબ આ 6 લોકોમાંથી 2ની હાલત ગંભીર છે. હાલ બન્ને ઇજાગ્રસ્ત આઇસીયુમાં સારવાર હેઠળ છે.

બ્લાસ્ટ અંગે માહિતી મળતા જ એસીપી અને ડીસીપી સહિતનો પોલીસ કાફલો ઘટનાસ્થળે દોડી આવ્યો હતો. એસીમાં બ્લાસ્ટ થવાને કારણે ઓફિસમાં રહેલા કાચના ફૂરચા ઉડી ગયા હતા. આ ઉપરાંત અન્ય વસ્તુઓ પણ વેર વિખેર થઈ ગઈ હતી.