અપડેટ@ગુજરાત: રાજ્યભરમાં ન્યૂ યરનું ધામધૂમથી સેલિબ્રેશન થયું, જાણો વધુ વિગતે

અટલ સમાચાર ડોટ કોમ, ડેસ્ક 

31 ડિસેમ્બરની રાત્રે સમગ્ર વિશ્વમાં નવા વર્ષનું હટકે સેલિબ્રેશન કરાયું. ક્યાંક ભવ્ય આતશબાજી સાથે તો ક્યાંક ડાન્સ પાર્ટી સાથે લોકોએ સેલિબ્રેશન કર્યું. ભારત પહેલા ચીન, મલેશિયા, સિંગાપોર, ન્યુઝીલેન્ડ જેવા દેશોમાં નવા વર્ષની ઉજવણી કરાઈ હતી. ભારતમાં પણ મુંબઈ, ગોવા, દિલ્હી સહિત અનેક શહેરોમાં નવા વર્ષની ભવ્ય ઉજવણી કરવામાં આવી હતી.

ગુજરાતમાં પણ 2024ને બાય બાય કહી 2025નું ગ્રાન્ડ વેલકમ કરવામાં આવ્યું. અમદાવાદ, સુરત, વડોદરા, ભરૂચ, જૂનાગઢ, રાજકોટ સહિત સમગ્ર રાજ્યમાં ડાન્સ પાર્ટીમાં યુવાનોએ હિન્દી અને પંજાબી ગીતો પર ઠુમકા લગાવ્યા. સુરક્ષાના ભાગરૂપે મોટા શહેરમાં પોલીસ પણ ખડેપગે રહી હતી.અનેક ઉતાર-ચડાવ વચ્ચે પસાર થયેલા વર્ષ 2024ને ગુડબાય કહેવા અને વર્ષ 2025ને વેલકમ કરવા યુવાધન તૈયાર થઈ ગયું છે.

રાજ્યની ક્લબો, પાર્ટીપ્લોટો, સોસાયટીઓમાં લોકો હર્ષોલ્લાસ સાથે આ ઉજવણી કરી શકે તે માટે ડીજે પાર્ટીનું આયોજન કરવામાં આવ્યું. આ સાથે અમદાવાદ, રાજકોટ, સુરત અને વડોદરા સહિતનાં શહેરોમાં વિવિધ પાર્ટી પ્લોટમાં ન્યૂ યર પાર્ટી થઈ. તો બીજી તરફ લોકો કોઈપણ જાતના ભય વગર આ ઉત્સવને મનાવી શકે એ માટે પોલીસ તંત્રએ પણ ફુલપ્રૂફ એક્શન પ્લાન સાથે કડક પોલીસ બંદોબસ્ત ગોઠવી સઘન ચેકિંગ હાથ ધર્યું હતું.