અપડેટ@વડોદરા: ફટાકડાની ઓફિસ પર GST વિભાગે દરોડા પાડતા વેપારીઓમાં ફફડાટ ફેલાયો
GST વિભાગે દરોડા પાડ્યા છે.
Oct 24, 2023, 14:18 IST
![અપડેટ@વડોદરા: ફટાકડાની ઓફિસ પર GST વિભાગે દરોડા પાડતા વેપારીઓમાં ફફડાટ ફેલાયો](https://atalsamachar.com/static/c1e/client/91782/uploaded/f71ec38e359762ae388f12ae3763b4ae.jpg)
અટલ સમાચાર ડોટ કોમ, ડેસ્ક
દિવાળીનો પર્વ નજીક જ છે. ત્યારે ફટાકડાનું વેચાણ પણ શરુ થઇ ગયુ છે. જો કે બીજી તરફ વડોદરાના સાવલીમાં ફટાકડાના વેપારીને ત્યાં GST વિભાગે દરોડા પાડ્યા છે. રાકેશ ફટાકડાની ઓફિસ પર GST વિભાગે દરોડા પાડતા વેપારીઓમાં ફફડાટ ફેલાયો છે. વડોદરાના સાવલીમાં ફટાકડાના વેપારીને ત્યાં GST વિભાગે સર્ચ ઓપરેશન શરુ કર્યુ છે. ઓફિસ તેમજ અલગ અલગ ગોડાઉનમાં સર્ચ હાથ ધરવામાં આવ્યુ છે.
રાકેશ ક્રેકર્સ ગુજરાતના નામાંકિત ફટાકડાના વેપારીને ત્યાં તપાસ શરુ કરવામાં આવી છે. દરોડામાં મોટા પ્રમાણમાં કર ચોરી ઝડપાવાના સંકેતો મળી રહ્યા છે. GST વિભાગની ટીમનું સર્ચ ઓપરેશન હજુ પણ યથાવત છે. તપાસ પૂર્ણ થયા બાદ બેનામી વ્યવહારોનો હિસાબ મળે તેવી શક્યતા છે.