અપડેટ@ગાંધીનગર: ત્રણ મહાનગરોમાં વિકાસને લઈ રાજ્ય સરકારે સારા સમાચાર આપ્યા

અટલ સમાચાર ડોટ કોમ, ડેસ્ક

રાજ્ય સરકારે શહેરી વિસ્તારોમાં વિકાસને લઈ મહત્વના સમાચાર આપ્યા છે. ત્રણ મહાનગરોમાં વિકાસને લઈ રાજ્ય સરકારે સારા સમાચાર આપ્યા છે. સુરત, જામનગર અને વડોદરા એમ ત્રણ મહાનગર પાલિકાઓમાં આવનારા વર્ષોમાં વિકાસની ગાડી વધુ તેજ ગતિ પકડશે. રાજ્ય સરકાર દ્વારા 1646 કરોડ રુપિયાની ફાળવણી કરી છે. જેમાં સૌથી વધારે રકમ સુરતને ફાળવવામાં આવી છે.

આંતર માળખાકીય સુવિધાઓના કાર્યોને લઈ મુખ્યપ્રધાન ભૂપેન્દ્ર પટેલની સરકારે આ રકમ ફાળવણી કરી છે. સુરત મહાનગર પાલિકાને 1029 કરોડ રુપિયાની ફાળવણી કરવામાં આવી છે. જ્યારે વડોદરા મહાનગર પાલિકાને 184 કરોડ અને જામનગર મહાનગર પાલિકાને 432 કરોડ રુપિયાની ફાળવણી કરવામાં આવી છે. અંડર બ્રિજ, ઓવર બ્રિઝ સહિત ટ્રાફિક મેનેજમેન્ટના કાર્યો કરવામાં આવશે. આ માટે રાજ્ય સરકારે સૈદ્ધાંતિક મંજૂરી આપી છે.