આરોગ્યઃ કમર દર્દથી મળશે રાહત, બસ અપનાવો આ 6 ઘરેલુ નુસ્ખા
md_789_4vOCHg

અટલ સમાચાર, ડેસ્ક


પીઠ દર્દ કે પછી બેકપેઈન સૌથી સમાન્ય શારીરિક બિમારીઓ પૈકીની એક છે. ભારતમાં પીઠના નીચેના હિસ્સામાં દર્દ થાય તે ઘટના ચિંતાનજક છે. કારણકે ભારતમાં લગભગ 60 ટકા લોકો પોતાના જીવનમાં ક્યારેકને ક્યારેક પીઠમાં દુઃખાવાની ફરિયાદ કરે છે. બની શકે કે, ઘરમાં સફાઈ કરતા સમયે અથવા તો કોઈ ફિઝિકલ એક્ટિવિટીના કારણે પીઠમાં ઝટકો લાગ્યો હોય. અથવા તો પછી ગઠિયા અને એન્કિલોસિંગ સ્પોન્ડિલાઈટિસ જેવી જૂની સમસ્યાના કારણે પીઠમાં દર્દ થઈ રહ્યો હોય.

ક્યારેક ક્યારેક આ દર્દ અસહનીય બની જાય છે. લાંબા સમય સુધી કમરમાં દુખાવો થતો હોય તો, ડોક્ટરને બતાવવાની સલાહ આપવામાં આવે છે. પરંતુ ઘણીવાર સામાન્ય પીઠદર્દને તમે ઘરે પણ ઠીક કરી શકો છો. વોશિંગ્ટન યુનિવર્સિટી સ્કૂલ ઓફ મેડિસિન સેન્ટ લુઈસે ન્યૂરોલોજિકલ સર્જરી ડિપાર્ટમેન્ટ માટે કરોડરજ્જૂની સર્જરી માટે હેડ વિલ્સન રે કહે છે, ઘરેલુ ઉપચાર પીઠ દર્દના ઈલાજ માટે બેસ્ટ છે. આમાં તમે દવા ખાવામાંથી છૂટકારો મેળવી શકો છો અને સારવાર માટે એક રૂપિયો પણ વધારે ખર્ચ નથી થતો. જો તમને પણ પીઠમાં દુખાવાની ફરિયાદ હોય તો આ ઘરેલુ ઉપચાર અજમાવી જુઓ.

1) ચાલતા રહો (Keep Moving)-
વિલ્સન રેનાં જણાવ્યા મુજબ, અલગ અલગ પ્રકારા પીઠદર્દના પગલે દર્દીઓમાં એક સામાન્ય વહેમ રહે છે કે તે એક્ટિવ નથી ચાલી શકતા. પરંતુ જો તમે તમારી એક્ટિવિટી જાળવી રાખો છો અથવા તો ચાલતા રહો છો તો, પીઠના દુઃખાવામાંથી રાહત મળે છે. એટલા માટે પીઠ દર્દીની સમસ્યાથી પીડાતા લોકોએ દરરોજ ઓછામાં ઓછુ 30 મિનિટ સુધી ચાલવુ જરૂરી છે.

 અટલ સમાચારને દૈનિક તમારા મોબાઇલમાં મેળવવા અહિ ક્લિક કરો

2) સ્ટ્રેચિંગ અને સ્ટ્રેન્થ એક્સરસાઈઝ-
પેટના મસલ્સ પીઠને સહારો આપવામાં મદદ કરે છે. તાકાત અને લચીલાપણુ બંને તમારા દર્દને દૂર કરવામાં અને પીઠના દુઃખાવાને રોકવામાં મદદ કરે છે. એટલા માટે સ્ટ્રેચિંગ અને પીઠને મજબૂત કરતી એક્સરસાઈઝ કરાવનું ન ભૂલતા. આ માટે યોગ, પિલેટ્સ અને તાઈ ચી તમારા કોર અને હિપ્સની આસપાસની માંસપેશીઓને મજબૂત કરવામાં મદદ કરે છે.

3) યોગ્ય પોશ્ચર રાખો-
યોગ્ય પોશ્ચર તમારી પીઠના નીચેના હિસ્સા પર દબાણને ઓછુ કરવામાં મદદ કરે છે. જો તમારી પીઠમાં દર્દ છે તો તમે પોતાની કરોડરજ્જૂને અલાઈમેન્ટમાં રાખવા માટે ટેપ, સ્ટ્રેપ્સ અથવા તો સ્ટ્રેચી બેન્ડ્સનો ઉપયોગ કરી શકો છો. ખભાને વધુ આગળ તરફ ઝૂકેલા ન રાખો. આમ કરવાથી લોઅર બેક પર વધારે લોડ પડે છે.
જો તમે સ્ક્રીનની સામે કામ કરો છો તો, તમારા હાથને ટેબલ કે ડેસ્કની સમાંતરે રાખો અને પોતાની આંખોને સ્ક્રીની ઉપરના હિસ્સામાં રાખો નહીં કે, માથુ ઝૂકાવીને.

4) વજન મેન્ટેન કરો-
જો કોઈનું વજન કોઈ કારણોસર વધારે છે, તો સ્વાભાવિક છે કે તેની પીઠમાં દર્દ થશે. કમર દર્દમાંથી બચવા માટે વજન ઓછુ કરો જેથી પીઠના નીચેના હિસ્સામાં દબાણ ઓછું થઈ શકે. જો તમારે વજન ઓછુ કરવા માટે મદદની જરૂર છે તો કોઆ ફિટનેસ ટ્રેનર મદદ લઈ શકો છો.

5) ધુમ્રપાન છોડો-
રિસર્ચમાં જાણવા મળ્યુ છે કે, જો તમે ધુમ્રપાન કરો છો તો, તમને અન્યની સરખામણીમાં કરોડરજ્જૂમાં દુઃખાવો થવાની સંભાવના 4 ગણી વધારે છે. સિગરેટ તથા અન્ય તમાકુ જેવા વ્યસનોમાં નિકોટીન તમારી કરોડરજ્જૂને વધારે નબળી કરે છે. અને સ્પંજી ડિસ્કમાંથી મહત્વપૂર્ણ પોષક તત્વો ઓછા કરી દે છે. એટલા માટે ધુમ્રપાનની ટેવ છોડવી જરૂરી છે.