સાબરકાંઠા જિલ્લા શિક્ષણાધીકારી કચેરીના હેડ કલાર્ક લાંચ લેતા ઝડપાયા

અટલ સમાચાર. સાબરકાંઠા

હિંમતનગર ખાતે આવેલી સાબરકાંઠા જીલ્લા શિક્ષણાધીકારી કચેરીનાં હેડ ક્લાર્ક રૂ .10 હજારની લાંચ લેતા એસીબિનાં છટકામા ઝડપાયા છે. આરોપી
જીવરાજભાઈ ધૂળજીભાઈ બરંડા, હેડ ક્લાર્ક, વર્ગ-૩,
જિલ્લા શિક્ષણાધિકારીની કચેરી, સાબરકાંઠા, હિંમતનગર.(રહે- ૯૨, સુભાષનગર, સહકારી જીન રોડ, હિમ્મતનગર) ને સનીવારે  લાંચ લેેેતા જડપી લેવાયા હતા.

આ કામના ફરિયાદી જુનિયર ક્લાર્ક તરીકે શાળામાં ફરજ બજાવે છે. તેઓએ પોતાના જી.પી. ફંડમાંથી ₹૧,૯૦,૦૦૦ ઉપાડવા માટે અરજી કરેલ. જે અરજીમા વાંધા કાઢી આ કામના આરોપી અવારનવાર પરત કરતા હોઈ અને જો જી.પી. ફંડ જોઈતું હોય તો વ્યવહારના
રુ.૧૦,૦૦૦ થશે તેમ કહી લાંચની માંગણી કરતા હોઈ, ફરિયાદીએ લાંચ આપવી ન હોઈ તેઓએ એ.સી.બી. નો સંપર્ક કરતા આજરોજ એસીબી ગાંધીનગરે ગોઠવેલ લાંચના છટકામા આરોપીએ ફરિયાદી પાસેથી લાંચની માંગણી કરી સ્વીકારી ટ્રેપ દરમ્યાન પકડાઈ ગયેલ છે.