ઘટના@અમદાવાદ: BRTS બસે વધુ એક યુવાનનો ભોગ લીધો, બસની અડફેટે એક્ટિવા ચાલકનું મોત

અટલ સમાચાર ડોટ કોમ, ડેસ્ક

BRTS બસે વધુ એક યુવાનનો ભોગ લીધો. શહેરમાં ચંદ્રનગર વિસ્તારમાં મોડી રાત્રે ગમખ્વાર અકસ્માતની ઘટના બનવા પામી. ચંદ્રનગરમાં ગત રાત્રે BRTS બસ અને એક્ટિવા વચ્ચે અકસ્માત સર્જાયો. આ અકસ્માતમાં એક્ટિવા ચાલકનું મોત નિપજ્યું છે. પોલીસે અકસ્માતની તપાસ હાથ ધરી. ઘટનાની વિગત મુજબ શહેરમાં ચંદ્રનગર વિસ્તારમાં 17 વર્ષીય આશાસ્પદ યુવાનનું અકાળે મોત નિપજયું.યુવાન એક્ટિવા લઈને પસાર થતા હતો ત્યારે BRTS બસની અડફેટે આવ્યો.

મોડી રાત્રે ચંદ્રનગર માં મોડી રાત્રે બીઆરટીએસ અને એક્ટિવ વચ્ચે અકસ્માત સર્જાતા લોકો ભેગા થઈ થયા હતા. પરંતુ અકસ્માત એટલા ગંભીર હતો કે એમ્બ્યુલન્સ આવે તે પહેલા જ 17 વર્ષીય યુવાન કાળનો કોળિયો બન્યો.ચંદ્રનગર વિસ્તારમાં બીઆરટીએસ અને એક્ટિવા વચ્ચે અકસ્માતની માહિતી મળતાં જ પોલીસ ઘટનાસ્થળ પર પંહોચી ગઈ હતી. ઘટનાની તપાસ કરનાર પોલીસની પ્રાથમિક પૂછપરછમાં સામે આવ્યું કે બીઆરટીએસના ડ્રાઈવરની બેદરકારીના કારણે અકસ્માત સર્જાયો.

એક્ટિવાની બસ સાથે એટલી ભયાનક ટક્કર થઈ કે વાહન બસની નીચે ઘૂસી ગયું. સંભવત બસની નીચે એક્ટિવા આવી જતા યુવાન પટકાયો અને હશે માથાના ભાગે ગંભીર ઇજા થવાના કારણે ઘટનાસ્થળ પર જ મોત નિપજયું હોય તેવી પોલીસનું માનવું છે. પોલીસે ઘટનાસ્થળનું નિરિક્ષણ કર્યું તેમજ કોની બેદરકારીના કારણે આ અકસ્માત સર્જાયો તે શોધવા રોડ પરના સીસીટીવી ચેક કરશે.