ઘટના@અમદાવાદ: હિમાલયા મોલમાં આગ લાગતા લોકોમાં નાસભાગ મચી, ફાયર બ્રિગેડની 6 ગાડીઓ ઘટનાસ્થળે

અટલ સમાચાર ડોટ કોમ, ડેસ્ક

વસ્ત્રાપુર વિસ્તારમાં આવેલા હિમાલયા મોલમાં આજે એક ભારે આગની ઘટના બની છે.આ દુર્ઘટના મોલના બીજા માળે એવી સમયે બની જ્યારે મોલમાં અનેક લોકો હાજર હતા. પ્રાથમિક તપાસ અનુસાર, એ.સીના કમ્પ્રેસરમાં શોર્ટ સર્કિટના કારણે આગ લાગી હતી, જે ખૂબ જ ઝડપથી ફેલાઈ ગઈ. આ ઘટના સામે આવતા લોકો વચ્ચે ચિંતાનો માહોલ છવાઈ ગયો હતો અને મોલમાં દોડધામ મચી ગઈ હતી.

ફાયર બ્રિગેડની 6 ગાડીઓ ઘટનાસ્થળે પહોંચીને આગ પર કાબૂ મેળવવાનો પ્રયાસ શરુ કરી દીધો.મોલમાં આવેલા લોકોની સુરક્ષા માટે ફાયર બ્રિગેડના કર્મચારીઓએ કામગીરી શરૂ કરી, અને ત્યાં હાજર લોકોએ મોલમાંથી બહાર નીકળવા માટે યોગ્ય માર્ગદર્શિકા પણ આપવામાં આવી. આ માટે મોલમાં રેસ્ક્યુ ઓપરેશન પણ શરૂ કરવામાં આવ્યું, પરંતુ સંતોષકારક રીતે, કોઈપણ પ્રકારની મોટી જાનહાની કે ઇજા થવાની ઘટના સામે આવી નથી.

આગ પર કાબૂ મેળવવામાં અને મોલની અંદરની વિસ્તૃત તપાસ કરવામાં આવી રહી છે. મોટે ભાગે, આગ એ.સી કમ્પ્રેસરના શોર્ટ સર્કિટના કારણે લાગી હોવાનો અંદાજ લગાવવામાં આવ્યો છે. હાલ એ.સી સિસ્ટમ અને મોલના કેટલાક વિસ્તારોમાં નુકસાન થયુ છે, પરંતુ મોલમાં કાર્યરત લોકો અને ગ્રાહકોને બચાવી લેવામાં સફળતા મળી છે. સ્થાનિક પોલીસ અને ફાયર વિભાગ દ્વારા વધુ તપાસ કરવામાં આવી રહી છે.