ઘટના@ભુજ: બોડી મસાજ અને સ્પાના નામે બિલ્ડર પાસે 43.31 લાખ પડાવ્યા
અટલ સમાચાર, ભુજ
કોરોના મહામારી વચ્ચે ભુજમાં બોડી મસાજ અને સ્પાના નામે બિલ્ડર સાથે 43.31 લાખની ઠગાઇ કરી હોવાનું સામે આવતા સમગ્ર વિસ્તારમાં ચકચાર મચી ગઇ હતી. આ મામલે પોલીસ દ્વારા 18 મોબાઇલ નંબર, બેંક એકાઉન્ટ નંબર અને ઈ-મેઇલ આઇડી ધારકો સામે ગુનો નોંધવામાં આવ્યો છે. ફ્રેન્ડશીપ ક્લબમાં જોડાવવા અને બોડી મસાજ તેમજ સ્પાના નામે ભુજના બિલ્ડર સાથે ચીટર ટોળકી 5 મહિનાથી ઠગાઇ કરી રહી હતી.
અટલ સમાચાર આપના મોબાઇલમાં મેળવવા અહિં ક્લિક કરો
કચ્છ જીલ્લાના ભુજના બિલ્ડરને ફ્રેન્ડશીપ ક્લબમાં મહિલા સભ્યોની નોંધણી બાદ સારા વળતરની લાલચ આપી ઠગાઇ આચરી હતી. રજીસ્ટ્રેશનના નામે અજાણ્યા શખ્સોએ ટૂકડે ટૂકડે રૂપિયા 43,31,160ની માતબર રકમની ઠગાઈ આચર્વામાં આવી છે. આ મામલે ભોગ બનનારે ભુજ એ ડિવિઝન પોલીસ મથકે અજાણ્યા 18 મોબાઇલ નંબર, બેંક એકાઉન્ટ નંબર અને ઈ-મેઇલ આઇડી ધારકો સામે ગુનો નોંધવામાં આવ્યો છે. ત્યારે આ મામલે પોલીસે આરોપીઓને ઝડપી પાડવાના ચક્રો ગતીમાન કર્યા છે.