ઘટના@ગુજરાત: અમદાવાદ પોલીસ કર્મચારીઓની ગાડીનો હરિયાણામાં અકસ્માત, 3 પોલીસના ઘટનાસ્થળે મોત

અટલ સમાચાર ડોટ કોમ, ડેસ્ક

અમદાવાદની રામોલ પોલીસ ગુજરાતથી પંજાબ તપાસ કરવા જઈ રહી હતી તે દરમિયાન સરકારી કારનો અકસ્માત થયો હતો અને કાર ટ્રેઈલરની પાચળ ઘુસી જતા 3 પોલીસના ઘટના સ્થળે મોત થયા હતા. અન્ય એક પીએસઆઈ ગંભીર રીતે ઈજાગ્રસ્ત થતા તેમને સારવાર હેઠળ હોસ્પિટલમાં ખસેડવામાં આવ્યા છે,હરિયાણા પોલીસે વધુ તપાસ હાથ ધરી છે. હરિયાણામાં ગુજરાત પોલીસની કારને અકસ્માત નડયો છે જેમાં ત્રણ પોલીસના ઘટના સ્થળે મોત થયા છે. જેમાં હરિયાણાના વડિંગખેડામાં પેટ્રોલ પંપ પાસે અકસ્માત થયો હતો અને કાર ટ્રેઈલરની પાછળ ઘુસી જતા તમામના ઘટના સ્થળે મોત થયા છે.

ભારતમાલા હાઈવે પર ગમખ્વાર અકસ્માતમાં મોત થતા પોલીસબેડામાં શોકની લાગણી છવાઈ છે.પંજાબ પોકસોના કેસમાં પોલીસ તપાસ માટે જઈ રહી હતી તે દરમિયાન આ ઘટના બની હતી.આ સમગ્ર અકસ્માતને લઈ વાત કરવામાં આવે તો રામોલ પોલીસ સાંજના સમયે સરકારી કાર લઈને પોકસોના કેસમાં તપાસ માટે પંજાબ જવા માટે નીકળી હતી અને તે દરમિયાન અકસ્માત થયો હતો. કાર ટ્રેઈલરની પાછળ ઘુસી ગઈ અને ટ્રેઈલર બંધ હાલતમાં હાઈવે પર પડયું હતુ. ફુલ સ્પીડમાં કાર ટ્રેઈલરની પાછળ ઘુસી જતા આ અક્સમાત થયો હોવાની વાત સામે આવી છે. આ બનાવની જાણ ગુજરાત પોલીસને કરવામાં આવી છે જ્યારે રામોલ પોલીસ અને અધિકારીઓ હરિયાણા પોલીસ સાથે સંપર્ક કરીને હાલની સ્થિતિ જાણવાનો પ્રયાસ કરી રહ્યા છે.