જલોતરા ચૌધરી સમાજ દ્વારા પ્રથમ સમુહલગ્નોત્સવ યોજાયો

અટલ સમાચાર,વડગામ

વડગામ તાલુકાના જલોતરા ગામે ચૌધરી (આંજણા) સમાજ દ્વારા નવી પહેલ ના ભાગરુપે ૬(છ) દિકરીઓના સમુહલગ્નોત્સવ તા ૧૮ જાન્યુઆરીના રોજ યોજાયા હતા. આ સમુહલગ્નોત્સવની એક વિષેશતા એ રહી કે પ્રસંગોમા વધુ પડતા ખર્ચા રોકવા માટે તા.૧૭ જાન્યુઆરીના રોજ જલોતરા ચૌધરી સમાજ ના ૩(ત્રણ) જીયાણા ના આંણા તથા ૬(છ) ગુરુમહારાજની બાબરીના પ્રસંગો પણ એક જ ભોજન સમારંભમા આવરી લેવામાં આવ્યા હતા. આમ આ કાર્યક્રમ એક પ્રસંગોત્સવ બની ગયો હતો. આ સમુહલગ્નોત્સવને સફળ બનાવવા માટે જલોતરા ચૌધરી સમાજ ના વડિલો તથા યુવાનો દ્વારા ભારે જહેમત ઉઠાવી હતી, આ સમુહલગ્નોત્સવમા ચૌધરી સમાજના આગેવાનો તથાઆશરે ૭૦૦૦ થી વધુ લોકો ઉપસ્થિત રહ્યા હતા.