કાંકરેજના દુગાવાડામાં પંચમુખી હનુમાન અને કંથેરી માતાનો પ્રાણ પ્રતિષ્ઠા મહોત્સવ યોજાયો

અટલ સમાચાર,કાંકરેજ(ભગવાન રાયગોર)

કાંકરેજ તાલુકાના મુખ્ય મથક શિહોરી પાસે આવેલ દુગાવાડામાં પંચમુખી હનુમાન દાદાનું મંદિર આવેલ છે. વારે તહેવારે આ પાવન જગ્યાએ મેળો ભરાય છે. તેમજ દર શનિવારે સાંજે 4 થી 8 કલાક સુધી દર્શનાર્થીઓ શિહોરી, ચેખલા, રતનપુરા, રણાવડા, ખીમાણા તેમજ કાંકરેજ તાલુકાના હજારો લોકો દાદાના મંદિરે નત મસ્તકે શીશ નમાવવા આવે છે. આ મંદીરે પરમાત્મા શિવરૂપ એકાદશી રુદ્ર સ્વરૂપ એકાદશી પંચમુખી હનુમાન દાદાનો તિથિ યજ્ઞ આચાર્ય શિવરામભાઈ મોતીરામભાઈ શાસ્ત્રી શિહોરી વાળાના મુખારવિંદે શાસ્ત્રોક્ત વિધિ-વિધાનથી ભિલડિયા (ઠાકોર) વિજયાબેન સોવનજી સવાજીના મુખ્ય યજમાન પદે ૧૦ ફેબ્રેઆરીએ યોજાયો હતો. આ સાથે કંથેરી (ભમર) માતાજીની ફોટો પ્રતિમા ભારતીબેન પોપટજી ઠાકોર ચેખલાવાળાના વરદ હસ્તે પ્રતિષ્ઠા કરવામાં આવી હતી. ત્યાર બાદ ઉપસ્થિત સંતોના હસ્તે અન્નક્ષેત્રનું ઉદા્ધાટન કરવામાં આવ્યુ હતુ. સાંજે 5 કલાકે નાળિયેર હોમી યજ્ઞની પૂર્ણાહુતિ કરવામાં આવી હતી.
આ પાવન પ્રસંગે સંતો-મહંતો, મંદિરના પૂજારી ગૌસ્વામી સુરેશપૂરી, દાતાઓ, આજુ-બાજુ ગામોના સરપંચો, પ.પૂ.સંત સદારામબાપુના સેવકો,આગેવાનો, કોંગ્રેસ અગ્રણી દિનેશજી જાલેરા, અંબારામભાઈ પી પ્રજાપતિ- રતનપૂરા, જેન્તીભાઈ એમ. પ્રજાપતિ – શિહોરી, અરવિંદજી ઠાકોર, દૂધેચા પારજીજી સ્વરૂપજી- રહયા હતા.