લોકસભા@ગુજરાતઃ વડાપ્રધાન નરેન્દ્ર મોદીએ સૌ પ્રથમ માતા હિરાબાના લીધા આશીર્વાદ પછી કર્યું વોટિંગ
અટલ સમાચાર, ડેસ્ક
વહેલી સવારે વડાપ્રધાન નરેન્દ્ર મોદી રાજભવનથી સુરક્ષા કાફલાની વચ્ચે માતાના નિવાસ સ્થાને પહોંચ્યા હતા. તેમની માતા હિરાબાના આશીર્વાદ લીધા બાદ માતા હિરાબાએ વડાપ્રધાન નરેન્દ્ર મોદીને પાવાગઢની માતાજીની ચુંદડી અને માતાજીને ચડાવેલી સાડી પ્રસાદમાં શ્રીફળ સાથે આપી હતી. હિરાબાએ પીએમ મોદીને લાપસી ખવડાવીને શુકન કરાવ્યા હતા અને ચૂંટણીમાં ફરીથી વિજયી બની વડાપ્રધાન બનાવાના આશિર્વાદ આપ્યા હતા. ત્યાર બાદ હિરાબા ગાંધીનગર રાયસણ ખાતે આવેલી પંચાયતની કચેરીમાં તમદાન કર્યુ.
આજે લોકસભાની ચૂંટણીના ત્રીજા તબક્કાનું મતદાન થઈ રહ્યુ છે. વડાપ્રધાન નરેન્દ્ર મોદીએ સવારે અમદાવાદના રાણીપમાં મતદાન કર્યુ હતું. વડાપ્રધાન નરેન્દ્ર મોદી પોલીંગ બુથ સુધી મત નાખવા ખુલ્લી જીપમાં સવાર થઈને પહોંચ્યા હતા. જ્યાં ભાજપના અધ્યક્ષ અમિત શાહે તેમનુ સ્વાગત કર્યુ હતું. મતદાન કર્યા બાદ વડાપ્રધાન મોદીએ જણાવ્યું હતુ કે આજે સમગ્ર દેશમાં ત્રીજા તબક્કાનું મતદાન થઈ રહ્યુ છે. આજે મારી ફરજ જાળવવાની તક મળે તે માટે મને વિશેષાધિકાર છે. વડાપ્રધાનએ કહ્યું કે, આ મારા માટે એક ગંભીર ક્ષણ છે કે મેં મારા ઘરના ગુજરાત રાજ્યમાં મત આપ્યો. કુંભમાં સ્નાન કરવા જેવું જ, મતદાન દ્વારા આનંદ થાય છે.
વડાપ્રધાન મોદીએ જણાવ્યું કે આ લોકોની પહેલી સદી છે જે પહેલીવાર મતદાન કરે છે. તેથી હું 100% મત આપવા માટે નવા મતદારોની સખત ભલામણ કરું છું. વડાપ્રધાને જણાવ્યું કે એક બાજુ આતંકવાદનું શસ્ત્ર આઈ.ઈ.ડી. છે, લોકશાહીની શક્તિ વોટર આઈડીની ઓળખ છે. વડાપ્રધાન નરેન્દ્ર મોદીએ જણાવ્યું હતુ કે, મને લાગે છે કે વોટર ID ની મજબૂતાઈ આઇઈડી કરતા વધારે છે. વડા પ્રધાને તમામ મતદારોને મતદાન કરવાની અપીલ કરી. કોને મત આપવો? તે ભારતીય મતદારોને સારી રીતે જાણે છે. પ્રથમવખત જે મતદાન કરે છે તેમને મારી શુભકામનાઓ. તેઓએ પોતાના ભવિષ્યને ઉજ્જવળ બનાવવા માટે મતદાન કરવાનુ છે.
વડાપ્રધાન નરેન્દ્ર મોદીએ પણ જણાવ્યું હતુ કે, મતદાન કોને કરે કે કોને ન કરે ભારતના મતદારો સમજુ અને સમજદાર છે. દૂધનુ દૂધ અને પાણીનુ પાણી કરવાનું તેની વિશેષતા સમગ્ર વિશ્વમાં અભ્યાસ માટે વિષય છે. હું દેશમાં નિર્ણાયક સરકાર બનાવવા માટે સક્રિય ભાગીદારીનું સ્વાગત કરું છું. વોટિંગ કર્યા બાદ વડાપ્રધાન નરેન્દ્ર મોદીએ અમિત શાહની પૌત્રીની સાથે ખુબ લાડ લડાવ્યા અને તેની સાથે મસ્તી મજાક પણ કરી હતી.